uMthunywa
IZIKOLO zizavulwa mhlaka 4 Zibandlela kuvulelwa ithemu yokuqala ka2021, lapho labo ababhala imihloliso yabo kaFomu 4 abakhangelelwe khona ukuqedisa imihloliso yabo ezakweqela kulowomnyaka kulandela ukuqhamuka kobhubhane lwe Covid-19.
Kubikwa akusoze kube lokuvula ngamahlandla njengalokhu okwenzakale kuvulwa ithemu yesithathu lonyaka.
Ukuvulwa kwezikolo lokhu ngokwabafundi bonke ngaphandle kwalabo abayabe belinde ukungena ku Fomu 1 loFomu 5 ngoba besalinde impumela yemihloliso yabo.
Labo abaya kuFomu 1 abango giredi 7 lonyaka baqale ukubhala imihloliso yabo ngeviki ephelileyo ngoLwesine njalo bazaqeda mhlaka 17 Mpalakazi.
Abaloba imihloliso ye-Ordinary Level balamaphepha abazawabhala ngomnyaka ozayo.
Umqondisi wezokuhanjiswa kwemibiko kugatsha lwezemfundo yaphansi leyaphezulu uMnumzana Taungana Ndoro uthe akula okutshintshileyo kukhalenda yezemfundo kumnyaka ka 2021.
“Ugatsha lwezemfundo yaphansi leyaphezulu luthanda ukuqondisa umbiko wokuvulwa kwezikolo obusithi izikolo zivulwa mhlaka 4 Zibandlela 2021 njalo akusoze kube lokuvula ngamahlandla njengalokhu okuke kwabikwa kumaphephandaba ngaphambilini.
“Izikolo zizavulwa mhlaka 4 Zibandlela njalo abemfundo yaphezulu abavulayo ngoFomu 2 kusiya ku-Fomu 6,” kuphetha uMnu Ndoro.
