uMthunywa
Ophezulu Stinta
Siqhubeka lodaba lwethu lapho esinanzelela khona ukuthi ingqwele enguMlahlwa yayisibambelele kuSayini, uPhawundi esekhethe ukumela amalungelo akhe.
Lokhu ke kwase kunikeza amandla kulowo owayefisa ukugadla njengo Nyembezi wayeselethuba elihle okumangalisayo ukuhlasela iqembu eselidabuke phakathi.
Sidibana lo Siziwe edlula emqolweni otshaqisa umzimba laye esedlula nje uzwa inwele zakhe zibophana, efikelwa yikwesaba ukuthi lokho okwahlasela umkamnewabo laye kwakungamhlasela.
Uyadlula ke kuleyondawo ethwele imkhumbulo yosizi ayefika ezitolo zase Fredi lapho athola khona uNyembezi kanye lomalumakhe labo belapho ngokohlelo lwabo.
USiziwe wazisa umnewabo ukuba umlungu wakhe wayedlule ngekhaya emdinga sekumele abuyele emsebenzini.
Umlayezelo wokubuyela emsebenzini uletha ukudideka komqondo kuNyembezi.
Ngelanga eladlulayo ithuba lamphunyuka, lalapho sekhangelane lalo sengofuneka emsebenzini, wayezahamba engagcwalisanga isifiso senhliziyo yakhe.
Wazibuza imibuzo eminengi eyedwa, okwakumele kube nguye njalo ophuma lempendulo yaleyo mibuzo.
Uyaphumisela ke kumalumakhe onguye ozimisele ukuma laye aze afeze lokho okufiswa yinhliziyo yakhe.
Uyamazisa ukuthi indlela yakhe isifiphele, umkhondo usumcatshele akasaboni eselenye indlela yokuphindisela ukubulawa kweluba lakhe.
