uMthunywa
UDONSA kanzima phetsheya kolwandle umdlali obethandwa ngabalandeli hatshi abeqembu elikhulu iKaizer Chiefs kuphela kodwa kubo bonke abathanda unobhutshuzwayo.
Umdlali lo, uSiphiwe Tshabalala udlalela iBB Erzurumspor egijima kuSuper Lig yaseTurkey.
Ngempelasonto edluleyo besekungo kwetshumi lanye lumdlali esubula ibhentshi, lokhu kuveza ukuthi kwele-Turkey abakuboni ngitsho ukuthi nguye lo owahlohla ibhola lokuvula iNdebe yoMhlaba yokuqala e-Africa ngo-2010.
Kusukela etshiye kuChiefs ngo-Ncwabakazi, uShabba (34) usedlale imizuzu engu-216 eTurkey.
Uqhubekile ngokwenza kahle uLars Veldwijk ngokwakha elinye lamabhola iqembu lakhe iSparta Rotterdam linqoba ngo 3-1 ku-Almere, okumenza abe umgadli osetshaye amabhola ayisikhombisa, wakha amanye ayisithupha emidlalweni engu-29 kuligi yaseHolland.
Njengenjwayelo uDino Ndlovu uphinde wayibhakuzisa inethi esigabeni esiphakela esikhulu eChina, esiza iqembu lakhe iZhejiang Greentown linqoba nge 2-1 kuLava Spring.
Umgadli lo usehlohle amabhola amabili emidlalweni emibili loba nje etshiywe ngaphandle kuBafana Bafana.
UKamohelo Mokotjo yena okhona kuBafana, udlale imizuzu engu-82 yize ehlulekile ukusiza betshaywa yiWest Bromwich Albion nge 1-0.
Umdlali lo obizwa ngokuthi nguGeneral e-England ubezibambile.
EFrance, uKeagan Dolly loBongani Zungu abeMontpellier lo-Amiens ngokwahlukana badlale baze baqeda kweyamaqembu abafana abaleminyaka engaphansi kwengu-23.
Bobabili bazobe bekhona kuBafana edlala leLibya ngempelasonto.
ULebohang Phiri oweGuingamp udlale kahle kakhulu kulimpelasonto, okwenze lamaphephandaba aseFrance aze aba lemibuzo ukuthi utshiywe kanjani kuBafana.
ULebo Mothiba yena okhona kuBafana utshayele iqembu lakhe iStrasbough ibhola, becazelana ngemklomelo leNimes emdlalweni ophele kungu 2-2.
UThulani “Cream” Serero udlale wonke owezakhe, iVitesse yize itshaywe ngo 3-2 uvela kwiHercales.
Lo mdlali weBafana ulethe izindaba ezimnandi kuStuart Baxter umqeqetshi weBafana.
Lo-Ayanda Patosi osanda kufika kU-Esteghlal uphinde wawudlala wonke esiza leli qembu linqoba nge 1-0 kuNassaji Mazandaran.
Uze wakhitshwa sekusele imizuzu emine ukuthi umdlalo uphele uMay Mahlangu, odlala ku-Ordabasy. Leli qembu asanda kulijoyina ulihlohlele ibhola ngeledlule.
Loba khathesi engalibonanga inethi kodwa ube lesandla ekunqobeni kwalo nge 1-0 ku-Aktobe ngoLwesihlanu ebusuku.
— Ubulembu
