uMthunywa
YiNtatheli kaMthunywa
KUMPELAVIKI edluleyo iligi entsha kumdlalo weBasketball eye-Southern Region Basketball League ehlanganisa amaqembu akoBulawayo lasenkabazwe yezwe isunguliwe enkundleni zeBCD kontuthu.
UJoe Mujuru ongunobhala jikelele weZimbabwe Volleyball Association ubike ukuba iligi entsha le izaqhubekela phambili idlalwa ngempelaviki enkundleni zeGweru lakoBulawayo.
Ubike ukuba ukuhlanganiswa kwamaligi amadolobho womabili sekwengeze amathimu kanye lesisindo somncintiswano. Injongo yokubumba iligi entsha ngeyokuthi kube lula ukuthola uusekelo kulumdlalo osuthwele nzima ngokuswela imali yokuqhuba imncintiswano yaphezulu.
“Siqale imidlalo yethu njenge-southern region ngoMgqibelo enkundleni zeBCD KoBulawayo. Besingathanda ukuthi iBulawayo idlale yodwa lokuthi amaqembu eGweru atshikilisane wodwa kodwa bekuzakuba nzima njengeminyaka yonke ukuthola usekelo lwemali.”
Kusenjalo, ku-volleyball yakoBulawayo, enkundleni yeRoss Camp, iqembu leUFB emdlalweni walo wokuqala linqobe iRailstars 3-0.
Lisuke lapho laya nqoba ngokufanayo ithimu yeMidlands State University leyeZPC.
Ithimu yeRailstars igcwele abadlali abancinyane abangakatholi isikhathi eside besenkundleni. Abadlali laba loba betshengisele ithalenta banqotshwe kumahlandla amathathu omdlalo 25-8, 25-18 le 25-18.
Komunye umdlalo wamadoda iqembu le-The Great Churchill lehluleke ukudlala kakuhle ngemva kokunqotshwa 3-1 liqembu labafundi be-Midlands State. Kulumdlalo abafundi banqotshwe kuhlandla lakuqala 23-25 anduba baphenduke ngokuhlohla 25-23, 25-15, 25-15.
Kumantombazana bekungelula njalo. Odade beMSU babone izibunu zenyoka ngokunqotshwa ngamapholisa eZRP Raiders lethimu yeHighlanders.
Kumdlalo wakuqala iRaiders idlale ngokutshelela 25-16, 25-10 and 25-8 kwathi iHighlanders iphosele 29-27, 25-10, 25-18.
Impumela yemidlalo le:
Amadoda
Unit Fairbridge 3, Railstars 0 (25-8, 25-18, 25-18); The Great Churchill 0, Midlands State University 3 (23-25, 25-23, 25-15, 25-15); Midlands State University 0, Unit Fairbridge 3 (25-16, 25-10, 25-8); Unit Fairbridge 3, ZPC (Bulawayo) (25-22, 25-17, 25-18)
Amantombazana
Midlands State University 0, Raiders 3 (25-16, 25-10, 25-8); Midlands State University 0, Highlanders 3 (29-27, 25-10, 25-18
