uMthunywa
INHLANZI EZIKHANZINGIWEYO EZINGELAMATHAMBO (FILLET)
INHLANZI ngesinye isitshebo esithandwa ngabantu kakhulu. Abanye bazigola emifuleni njalo abanye bazifuya emachibini abo, abanye bazithenge ezitolo kukanti abanye abazidli bathi zifana lenyoka njalo ziyanuka.
Akunjalo yikungazi ukuzipheka, ake sizweke lamuhla ukuthi uMaMoyo uzipheka njani yena oyintshantshu kwezokupheka.
OKUDINGAKALAYO
– Izincezu ezilingana abazakudla.
– Ipane yokukhazingela (frying pan).
– Isawudo letshukela.
– Ibilebile le-pepper.
– Imithikazana (fish spices).
– Ifulawa le-curry.
– Iqanda.
– Amafutha lochago.
– Iphini.
– Ukhezo.
– Imbiza lomganu wokubhekela (casserole dish).
UKUPHEKA
– Gezisa inhlanzi ezilingana imuli yakho zonke ngamanzi aqandayo.
– Nxa kudingeka uziphale amaxolo zonke ziphele uphinde njalo uzigezise.
– Faka inhlanzi embizeni.
– Thela uchago phezu kwenhlanzi.
– Thela isawudo lama-spices.
– Yekela kuzuthwe okwemizuzu elitshumi.
– Khathesi zikhuphe inhlanzi embizeni.
– Gcoba umganu we-casserole ngamafutha (cooking oil).
– Faka inhlanzi emganwini ubusuvuvuzela ngamafutha angabi manengi.
– Faka umganu ku-oven etshisa 300 degrees.
– Yekela e-oven okwemizuzu emihlanu.
– Thatha ukhezo uziphendule inhlanzi lezi.
– Ziyekele ku-oven okwemizuzu emihlanu
– Sezivuthiwe khathesi usungakhupha ku-oven.
UKUDLIWA
– Zingadliwa ngezindlela ezinengi kodwa zidinga ukuba lomhluzi eceleni.
– Nansi-ke indlela yokupheka umhluzi.
UKUPHEKA UMHLUZI
Ukudla okunengi kufuna umhluzi eceleni ukuze kudleke. Ukudla okunjengesitshwala, ilayisi lamagwili. Nxa ule-fridge hlala uwubekile umhluzi.
OKUDINGAKALAYO
– Ihanyanyisi
– Amatamatisi
– fulawa
– mafutha
– mithikazana eyehlukeneyo ngemihlobo yenyama yakho, fish spice, beef spice njalo
– manzi
– Ingqamu lophini
– Ipane loba imbiza
UKUPHEKA
– Qoba ihanyanisi ibezincezu, thela amafutha.
– Khanzinga ihanyanisi ubeluthuthuvana.
– Hluba itamatisi liqobe iziqana.
– Thela itamatisi phezu kwehanyanisi.
– Thela njalo imithikazana (spices).
– Thela ifulawa uphendule futhi.
– Thela amanzi.
– Phendula wekele kuxhwathe okwemizuzuz elitshumi emlilweni omlutshwana.
Dlana ke inhlanzi yakho ukholise njalo ugcine umhluzi.
