Lidlala inguqu emnandi ‘ikhehla’

14 Mar, 2024 - 00:03 0 Views
Lidlala inguqu emnandi ‘ikhehla’

uMthunywa

Fungai Muderere 

UMOSES Jackson ufikisa iminyaka yokuzalwa engu-43 kodwa ubika ukuthi uzizwa eqine njengomfana omncane.

Umdlali weqembu le-Arenel Movers lo wenze izimanga ngeviki edluleyo kumdlalo wabo leNgezi Platinum lapho ayibambe ngamandla, wavala nci, wanceda ukuthi iqembu lakhe lingahlohlwa kumdlalo wokuvula isizini yeCastle Lager enkundleni yeLuveve.

UJackson, okhulele edolobheni leGweru, ngesizini edluleyo ubesehlelweni lweqembu elikuligi yeZifa Division One, emhlubulweni osempumalanga yelizwe, iGolden Eagles. Uthe uqine njengomfana.

“Ngidlala sengathi ngiyachinsa. Ngikhule iminyaka kodwa umzimba ngowomfana omncane. Abantu bengangideleli, loba besithi ngilikhehla, mina ngithi ngizadlala kuphela.

 “Mina ngithole ikhaya elihle ku-Arenel Movers. Liqembu elilabadlali abancane, abakhaliphileyo abahlezi bezimisele ukufunda okunengi emdlalweni wenguqu. Ngizaziveza kubo ukuze nginikeze iziqondiso lezicebiso abangazifuna. Konke kudinga ukusebenzisana. Ngikholwa ukuthi ngisazoqhubeka ngokusebenza nzima enkundleni ngoba ngilethemba lokuthi inyawo zami zisavuma,” kutsho uJackson, exoxa lentatheli yeZimpapers Sports Hub. Umdlali lo ulesiphiwo sokuqina lesibindi njalo uyawubona umdlalo, okumenza abalelwe phakathi kwemvimbi zoqobo kuleli.

Abanye bambiza ngokuthi nguBlack Shark.

Share This:

Sponsored Links

Survey


We value your opinion! Take a moment to complete our survey

This will close in 20 seconds