uMthunywa
Nkosilathi Sibanda
INHLOKO yezokuxhumana kunhlanganiso yeGhana Football Association uHenry Asante Twum ukholelwa ukuthi “kwakungamelanga” ukuba unompembe anikeze iZimbabwe umbekwa ngesikhathi idlala lama-Black Stars.
Isikhulumi lesi siphume kumabonakude lasebulenjini ngoLwesibili sisidla amahabula, sizama ukuchaza ngabonompembe abenze amaphutha kumidlalo etshiyeneyo kulandela imkhankaso yenkezo yoMhlaba.
Udaba lwabonompembe luvuswe kulandela ukuphiwa kwe-Ghana umbekwa kumdlalo wayo leSouth Africa kunsuku ezisanda kwedlula.
IBafana Bafana lenhlanganiso yeSouth African Football Association sezikhalaze kuFifa ngombekwa lo.
U-Asante Twum uthe akaboni lutho lokukhonona ngombekwa abawuphiwayo. Uqathanise lokhu lombekwa owanikezwa iZimbabwe.
Uthe kunengi okwakukubi kusiza eqenjini loba kumkhankaso lo kodwa abakaze bekhulumele phezulu.
“Ngibona angathi unompembe lo sidlala leSouth Africa wenza kahle. Sesike sabakwezinye indawo lapho onompembe abangasenzelanga kuhle. Asizange sikhonone ngitsho,” kutsho uAsante Twum.
“Umzekeliso okhona, mhla sidlala le-Ethiopia unompembe wenza amaphutha amanengi.
“Sidlale leZimbabwe lapha eCape Coast, kwabalamaphutha amanengi, sajeziswa ngombekwa.”
