uMthunywa
YiNtatheli kaMthunywa
UMQEQETSHI weHighlanders uErol Akbay ugcizelela ukubaluleka kokunqoba imidlalo yasekhaya eseleyo, okunguye othenjwe ukuthi abuyise injabulo kwezikaMagebhula.
UAkbay uthe kubalulekile ukunqoba kumidlalo yekhaya eseleyo kulisizini ukuze kufezeke abazibekele khona lokujabulisa abalandeli.
Kumalanga adluleyo uAkbay usephumele egcekeni ngokuthi usebenzela ukuthi ahluthune inkezo yeChibuku kanye leyeligi yeCastle Lager.
Okwaziwayo yikuthi iqembu leHighlanders kuzamele lithole imiklomelo yonke njalo ikhulekele ukuthi iFC Platinum leCaps United zinqotshwe. IBosso isemuva kwezimbamgodi zeFC Platinum ngemiklomelo emine, njalo ilandela iMakepekepe ngowodwa nje.
UAkbay uzayikhumbula imiklomelo ayikhutha ngokudliwa imidlalo eyisithupha kusukela ngoNhlangula kusiya ekuqaleni kukaNtulikazi. Lokhu sokwenze isimo sabanzima kubadlali bayo ngoba sekumele babophe ziqine ukuthi iFC Platinum leCaps United. Lokho kungehlula, kutsho ukuthi iBosso isiphunyukwe yimiklomelo yokuthi iphendukise inkezo eyacina ukungena eBF ngo2006. Kumidlalo yasekhaya iHighlanders isele leTsholotsho, iHwange leBulawayo City.
“Sizibekele umthwalo wokuthi sinqobe imidlalo yonke edlalelwa koBulawayo,” kutsho uAkbay.
“Siyazi lamathimu aphezulu kwethu akhangele inkezo ngelihlo elibomvu. Kudingeka ukuthi siqinise iqembu lokulola ingqondo zabadlali ukuthi babekwazi ukuthi isigaba esikuso sinzima.”
Kusukela ngo2012, iBosso isikhethe ukuthwala inkezo yeCastle Lager kancane. Izazi zenguqu yakuleli zibika ngokuzethemba ukuthi uAkbay nguye ongaletha injabulo eMagumeni.
Iloba iqembu lakhe linqoba, uAkbay utshele intatheli ukuthi yena akasuthiseki. Ukudlala siyadlala kodwa abadlali akumelanga bekele amanye amathimu esihlohla.
