uMthunywa
Innocent Kurira
BONKE abafuna ukuphatheka kumncintiswano weBulawayo Athletics Board (Bab) Track ngoMgqibelo bacetshiswa ukuba ukubhalisa kwamabizo kuzavalwa ngoLwesihlanu ngehola lesithupha ntambama.
Umgcinisihlalo wenhlanganiso yeBab uWatson Madanyika ubike ukuba bakhangelele ukuthi kube labagijimi abedlula amakhulu amabili kulumncintiswano ozaqhutshelwa enkundleni yeWhite City Stadium.
“Abagijimi sebeqalile ukubhalisa. Sikhangelele ukuthi kube labantu abanengi abazabhalisa njalo sithanda ukubika ukuba ukubhalisa kuzavalwa ngoLwesihlanu ntambama. Kasisoke samukele amabizo ngelanga lomncintiswano,” kutsho uMadanyika.
Uthe imincintiswano izaqala ngehola lesitshiya galombili ekuseni.
Kuzancintiswano kumijaho ye100m, 200m, 400m,400m, 800m, 1500m, 3000m, 5000m, 4x100m relay, 4x400m relay, ZITF Coca-Cola Four Minute Mile Challenge, long jump, triple, jump, high jump, javelin, shotput, le-discus.
Labo abazabhalisa ukuncintisa kuhlandla labasakhuyo kuzamele babhadale iUS$2, ngokutsho kwenhlanganiso yeBab.
Abadala bazabhadala iUS$3. Abazancintisa kumijaho ye-relay bazabhadala i-US$5.
