uMthunywa
NANSI impendulo zomsebenzi oweviki eledluleyo ngilethemba selilindele umhloliso.
Impendulo
a) esilotheni b) emangcwabeni
c) ejele d) esibhakabhakeni
e) emadlelweni f) emthethwandaba
g) izala h) umdango
Nanzi njalo impendulo zomsebenzi wesibili.
a) ngegazi b) ngolaza
c) ngenyama d) ngemithombo
e) ngamabele/ngomumbu f) ngochago
g) ngomumbu h) ngendumba
i) ngomlaza lochago j) ngomumbu
k) ngochago lempuphu l) ngejodo lempuphu
Yizo impendulo zomsebenzi owedluleyo. Ngilethemba konke esikwenzayo liyakubamba ngoba akwaziwa okwanonisa ingulube.
Ngeviki ephelileyo ngilinike umsebenzi wolimi.
Ithemu yesibili iqakathekile kakhulu ngoba yiyo ithemu yokubhalwa kwemihloliso yaphakathi komnyaka. Lapha kukhangelwa umsebenzi wonke eliwufunde kusukela umnyaka uqalisa. Kufanele lithathe zonke izingwalo elazisebenzisa umnyaka uqala kuze kufike kulesi isikhathi libuyele emuva lizikhumbuza ngakho konke elakufundayo.
Nxa kukhona eselikukhohliwe kuqakathekile ukuthi libuze ababalisi benu ukuze balincedise. Okunye njalo okuqakathekileyo yikusebenza nzima. Kulabanye benu abathanda ukudlala kakhulu baze bakhohlwe ukuthi badlala ngekusasa labo. Sebenzani nzima malanga wonke, ezikolo, emakhaya lazo zonke indawo lapho elitshona khona.
Ukulalela ababalisi labazali lakho kuqakathekile kakhulu. Abantwana abangamahlongandlebe kabayindawo. Njengoba abadala besithi ibuzwa kwabaphambili, buzani konke elingakwaziyo ebadaleni ukuze lihambe ngendlela enhle.
Ngiyabonga.
Umkhuhlane weAids
Kesikhangele ukuthi umuntu angathola njani umkhuhlane weAids. Ukusebenzisa ireza, inalithi, ijekiseni kumbe enye nje into othi nxa uyisebenzisa ikukhuphe igazi, nxa lokho kuke kwasetshenziswa ngumuntu olegcikwane leli, ungalithola. Omama abalayo bayayithelela ingane nxa bezithwele nxa bengasalandelanga lokhu abakucebiswa ngabezempilakahle. Izithandani zingayithelelana nxa zingaya emacansini, nxa omunye elayo. Banengi okumangalisayo abantu asebefile ngenxa yawo lowo umkhuhlane weAids. Lakhonapha kwelakithi izinkulungwane lezinkulungwane sezaphela du ngalumkhuhlane. Yikho nje kuqakathekile ukuthi siziphathe kuhle sinanzelele izintwana ezincinyane esizisebenzisayo. Njengemikhuhlane eminengi, ungayithatha awuhle uvuke ufile. Umuntu olayo uyacaka asale engamathambo. Ukudla kuyala njalo angadla wandisa ukukukhupha kwesinye isikhathi. Uphela ngaleyo indlela-ke umuntu olomkhuhlane lo kodwa kulezinsuku sokulamaphilisi okucindezela igcikwane leHIV.
Umsebenzi
Kule iviki ngizafuna libhale indatshana emfitshane mayelana lokufanele umuntu akwenze ukuze azivikele emkhuhlaneni weAids. Lisale.
