uMthunywa
Mthokozisi Dube
LUTHULI edolobheni lakoBulawayo, lapho inhlanganiso yeZimbabwe Tertiary Institutions Sports Union (ZTISU) iqhuba imidlalo yamaChampionships yetshumi lasithupha — 16th edition.
Kulimidlalo amakolitshi kanye lama-university akuleli adlephana emidlaweni ebalisa, ezokugijima, i-basketball, i-chess, iKhilikithi, ama-darts, ezikanobhutshuzwayo, i-golf, i-handball, i-hockey, o-karate, ibhola lokuqaga i-pool, i-tennis kanye le-volleyball ngenjongo yokukhetha ithimu ezamela iZimbabwe emidlalweni yama Confederation of Universities and Colleges in Southern Africa (CUCSA) ezaqhutshwa ngenyanga kaNcwabakazi njalo koBulawayo.
Ekhuluma lentatheli yephephandaba likazulu unobhala weZtisu uOliver Guvuriro ubike ukuba balethemba lokuthi bazaphuma lethimu ezanabulula wonke amazwe azaphatheka kumidlalo yama-CUCSA.
“Sizitshaya isifuba ngoba iZimbabwe yiyo ebhonsayo ebholeni lokuqaga kungakho sifuna ukuthatha lelithuba ukutshengisela amazwe angeZansi yezwekazi leAfrica ukuthi sivele sibusa kuyo yonke imidlalo,” kubika uGuvuriro.
Phakathi kwamazwe alitshumi ayinxenye yeCUCSA, iLesotho yiyo yodwa engakacaci ukuthi izaphatheka kule imidlalo kumbe hatshi kukanti amazwe abalisa iBotswana leSouth Africa ayigxozela kabi limidlalo.
UGuvuriro ubike ukuba basebenza lenhlanganiso yezemidlalo kuleli okuyikho okubanika ithemba lokuthi akuzukuba lesingilimbani ekukhethweni kwabadlali ngoba befuna ukuphuma lethimu ezwayo.
Imidlalo yama ZTISU ingenwa ngamakolitshi wonke ababalisi kuleli lamaPolytechnics kanye lama-University akuleli.
“Sibonga ukuvuselelwa kwenkundla ngesikhathi sama Region v Games okuyikho okwenze sathi imidlalo yamaCUCSA ayiphenduke njalo koBulawayo kulandela ubuhle benkundla,” kuphetha uGuvuriro.
