uMthunywa
Ukwakhiwa kwezivumelwano zobumnini
SITSHIYE singachasisanga ezithile njengalezi:
3. Nxa isivumelwano senhloko silongwaqa uyasuka unkamisa olandela ungwaqa, indawo yakhe ithathwe yisakhi sobumnini u – a kodwa lokhu akwenzeki esigabeni 11 lo 15
4. Esigabeni 11 lo 15 unkamisa wesivumelwano senhloko uphenduka abengusingankamisa u –w, besesijobela isakhi sobumnini u – a.
5. Kwesinye isikhathi singasebenzisa isakhi sobumnini u – ka kanje: Kusigaba 2 isivumelwano senhloko /ba-/ sihlangana lesakhi sobumnini –ka sithole isivumelwano sobumnini baka-. Kusigaba 5 isivumelwano senhloko /li-/ sihlangana lesakhi sobumnini /jka-/sithole isivumelwano sobumnini lika-.
Funda izindlela okusetshenziswa ngazo ubumnini mfundi. Ziqakathekile lezindlela.
1. Singasebenzisa ubumnini ukutshengisa ukuthi into ethile yenziwe ngani kanje: Ulungise imota yocingo enhle okwamagama.Imbiza yomdaka idabukile.
2. Singasebenzisa ubumnini ukuchaza ukuthi ulutho lusebenza ngani. Imota yedizili iyadula ukuyilungisa. Imota yephethulo iyagijima.
3. Singasebenzisa ubumnini ekuchazeni ukuthi ulutho oluthile lusetshenziselwani: Izigqoko zomtshado kazikathungiswa. Ikhekhe lomtshado beliyimboza.
4. Singasebenzisa ubumnini ukuchaza isikhathi sokusetshenziswa kolutho. Bahlabele izingoma zempi kwaze kwasa.
5. Ubumnini bungasetshenziswa nxa kuchazwa okuphethweyo. Ubulele imbodlela yomuthi. Imota iwise isaka letshukela.
6. Ubumnini bungachaza ubulili. Abantu besifazana sebekuzikhundla ezinkulu. Abantu besilisa kwakuthiwa bacindezela omama.
