uMthunywa
Izindlela zesenzo
Izindlela zesenzo, zindlela zokusetshenziswa kwesilandiso esiyisenzo, siguquguquka sibele miqondo eyehlukeneyo, ngokutshintshatshintsha kwezenzo, ngenxa yezakhi ezehlukeneyo ezisetshenzisiweyo.
Ngendlela ka-Doke kulendlela ezinhlanu ezimqoka kube lezimbili ezingacacanga kahle. Ezinye ingcitshi zolimi zizibala zibe ngaphansi kwalezi.
Imihlobo yendlela zesenzo: indlela eqondile eqondisayo, indlela yesimo (indlela eqondisayo yesimo), indlela yamandla, indlela esabizo, indlela encikile/eyamile, indlela yempoqo, indlela yenhloso.
Imitsho yezindlela zesenzo: Indlela eqondileyo –Ukuvuma – Umfana uhamba kancane, Ukulandula:
Umfana akahambi kancane, Eyesimo: Mtshiye, uma ehamba kancane, – Ungamtshiyi uma engahambi kancane, Eyamandla – Ukuvuma -Angahambi kancane phela lowo – Angehambe kancane lowo.
Esabizo: Ukuvuma – Umfana uzahamba kancane – Ukulandula – Umfana kazukuhamba kancane.
Encikile – Ukuvuma:- Salela emuva, ukuze uhambe kancane.- Ungasaleli emuva, ukuze uhambe kancane. Ukulandula –Ungasaleli emuva ukuze ungahambi kancane.
Eyempoqo – Ukuvuma -Hamba kancane, mfana – Ukulandula – Ungahambi kancane mfana. Eyenhloso – Beyohamba kancane mfana – Bengeyohamba kancane umfana.
Engingakutsho yikuthi akulula kubafundi ukuzwisisa indlela zesenzo. Ngalokho-ke kudingeka ukuthi badinge uncedo kubabalisi babo nxa sebefunda indlela zesenzo.
