uMthunywa
YiNtatheli kaMthunywa
UKUZA kwabadlali asebedlule iminyaka bekhuhla inguqu kuzaqinisa iqembu, ikakhulu ukulolonga abadlali abasakhulayo abayinsika yeqembu.
Inkokheli zethimu zibika ukuba abalandeli bengakhathazwa yikuza kwabadlali ababalisa uMkhokheli Dube ngoba abasoke bathathele abadlali abasakhulayo abaqala ukulidlala kuleliqembu kumasizini amabili adluleyo.
Iqembu labadlali abasakhulayo emdlalweni yilabo abahlanganiswa nguMadinda Ndlovu, lathola ibizo lokuthi yi-ECD.
I-ECD le yaba yintshantshu yenkezo yeChibuku ngesizini edluleyo.
Ukuqhatshwa komqeqetshi uMark “Hadebe” Harrison lokubonakala kuka Dube, Obadiah Tarumbwa loMitchel Katsvairo lokuphuza ukuqala ukulolonga okwenziwe yiBosso, kutshiye inengi licabanga ukuthi abafana be-ECD abasoke balikhabe.
Lokhu kuza ngemva kokuba iHighlanders ibisitshaywa likhanda inakana ukuthi abadlali bayifulaletha. Inkokheli zikhululeke ngeviki edluleyo ngokuphenduka kweqembu lonke elabunjwa nguMadinda.
Kubadlali abasukumise ababukeli ngesizini edluleyo babalisa Adrian Silla, Brian Banda, Nqobizitha Masuku, Andrew Mbeba, Peter Muduhwa, Mbongeni Ndlovu, Tinashe Makanda loPrince Dube.
Iphephandaba likazulu likhulume lomgcinisihlalo weqembu uKenneth Mhlophe othe bakhohlwa ngokuphezulu ukuthi iqembu lizabunjwa liqine.
“Abadlali bethu esibathembileyo bakhona njalo basezandleni ezinhle kubaqeqetshi. Abalandeli bengakhathazwa yilutho ngoba siyalungiselela. Sifuna ukuthi siqhubeke lapho esatshiyela khona.Asiqhubekeni siyisekela, sikele abadlali bonke.”
Kusenjalo iphephandaba likazulu likuphethe ngokugcweleyo ukuthi loba iHighlanders izafuna abadlali abatsha, inkinga izakuba yimali.
Agcwele phamu amahemuhemu ebulenjini lasembikweni ethunyezwa kuMthuywa ukuthi akusoke kubelula ukuthi iqembu livumelana labo bonke abadlali elibafunayo.
Kulindwe ukuthi kucace ukuthi inkulumo lezi zimi njani nanko phela leHighlanders iyaziwa ukuthi iyavilapha ukuxoxisana labadlali.
