uMthunywa
Ukwakhiwa kwesandiso sendawo esabizwaneni soqobo
Isibonelo: Isabizwana (yena) isandiso sendawo ngu kuye(na). Isabizwana mi(na) isandiso sendawo kimi(na).
Qaphela: Lapha sisebenzisa isakhi sesandiso u–ku- besekusithi unkamisa –i- ongumnini woqobo abuyele emuva ukuyatshintsha u-u- wesakhi sesandiso k(u) + kimina kimi (na). Uma umuntu ethanda uyamtshiya u –na- oyisijobelelo lapho ekhuluma.
Ukwakhiwa kwesandiso sendawo (undaweni) esabizwaneni sokukhomba. Isibonelo: Kusabizwana lowo isandiso sendawo ngu – kulowo. Kusabizwana le isandiso sendawo ngu kule.
Ukwakhiwa kwesandiso sendawo esabizwaneni sokubala; Isakhi u-ku- siyasisebenzisa lesiqalo sesabizwana soqobo sihlangene lesabizwana sokukhomba indawo. Isibonelo: kuye yedwa, kuwo wonke, kubo bobabili.
Liyasikhumbula na isabizwana sokuchasisa bafundi? Isichasiso ligama elichaza uSobizo njalo limlandele emutshweni. USobizo libizo lesabizwana. Uma isichasiso sesiguqukile singasasebenzi ngaleyo ndlela eqanjiweyo siphenduka sibe yisabizwana sokuchasisa. Isibonelo: Uma sesandulele uSobizo esimchazayo – Omkhulu umfana uyekwelusa. Omkhulu yisichasiso esesandulele ibizo umfana.
Ukwakhiwa kwesandiso sendawo esabizwaneni sokuchasisa: Uma leso sabizwana siqala ngonkamisa a- noma e-, siqalisa ngo-ku- besekusithi unkamisa walesi sakhi aphenduke usingankamisa u-w-, kanti uma siqalisa ngonkamisa o-, siqalisa ngo-ku- besekusithi unkamisa wesakhi u “u” simsuse: Isibonelo, isabizwana ku+ abakhulu, isandiso sendawo ngu- kwabakhulu. Ku + eyami isandiso sendawo ngu-kweyami. K(u) + owami -kowami.
