uMthunywa
Isandiso siyaqhutshwa
Kuviki ephelileyo siphethe isifundo sethu sitshengisa ukusetshenziswa kwesandiso sendawo. Sibone ukuthi isandiso sendawo singasetshenzoswa ukukhomba amabizo ezindawo kanje: Kubizo uMgungundlovu isandiso sendawo /eMgungundlovu/.
Amabizo emifula: Izibonelo: uTshangane isandiso sendawo /eTshangane/.-uTshatshane – eTshatshane; uThukela – oThukela.
Amabizo ezintaba: Izibonelo: iBhalagwe – eBhalagwe; uNtabamhlophe – eNtabamhlophe.
Amagama okufika kumbe awezinye izizwe – iGoli isandiso sendawo – eGoli. Kumabizomuntu – amadoda -kumadoda, umuntu – kumuntu. Kumagama eZizwe– amaNdebele . kuMaNdebele, AmaZulu > kumaZulu.
Izakhi –k(u)- lo -s-. ubaba + u + -s + ekhaya > usekhaya. Lapha sigaxe u-s- oyisakhi sesandiso. EsiNdebeleni kuvamile ukuthi u-k- amelwe ngu -s- ukukhomba ukugudluka kwemisindo(Sound shift).
Izibonelo: vuka – vusa.
Ukwakhiwa kwesandiso sendawo esabizwneni soqobo: Izibonelo: Isabizwana ye(na), isandiso kuye(na); mina – kimi(na). Qaphela: Lapha sisebenzisa isakhi sesandiso u-ku- bese kusithi unkamisa -i- ongumnini woqobo abuyele emuva ukuyaguqula u-u- wesakhi sesandiso. Nanzelela ukuthi le ingcazelo kayijayelekanga kungenzeka ukuthi linghayizwisisi bafundi. Nanzelelani ukuthi esiNdbele uyatshiywa u-na oyisijobelelo lapho sikhuluma.
Ukwakhiwa kwesandiso esabizwaneni sokukhomba: Izibonelo: kusabizwana lowo isandiso ngu/kulowo/. Kusabizwana le, isandiso ngu /kule/.
Siqala lapha kusifundo esilandelayo.
