uMthunywa
Isabizwana sokukhomba sisebenza njengazo zonke izabizwana, kodwa sibuye sibe lomsebenzi wokukhomba ezindaweni ezintathu ezehlukeneyo, eduze, buqamama lakude. Isabizwana sokukhomba singasihlela ngendlela elandelayo eyehlukanisa ngezigaba ngaphansi kwezihloko ezilandelayo: isigaba, eduze, buqamama, kude:
Isigaba 1: Eduze lo, Buqamama lowo, Kude lowaya. 2. Laba, labo, labaya. 3. Lo, lowo, lowaya 4 leli, lelo, leliya 5 leli, lelo, leliya 6 la, lawo, lawaya, 7 lesi, leso, lesiya. Nanzelela mfundi ukuthi lezi izibonelo zilandela indlela kaDoke. Hlela izibonelo ngezigaba zazo ulandela ukuhlela kukaMeinhof uqede zonke izigaba ngendlela yakhe.
Isabizwana sokukhomba eduze esilungalinye singasebenzisa u “na” abe yisijobelelo lona, leya, leyana ikakhulu nxa sizaba ekupheleni komutsho.
Ukwakhiwa kwesabizwana sokukhomba eduze. Singasebenzisa indlela eyodwa kulesi esilandelayo: Ukuhlangisa isakhi sokukhomba u “la” lesiqalo sebizo, bese kulumbana onkamisa, kulezo zigaba zamabizo ezilomankankane siyabasusa kanye lonkamisa ababalandelayo.
Izibonelo: la + um(u) .> lo(mu) > lo; la +iN- > le(N) > le; la + iziN- > lezi ; la + ili- > leli > leli. Ukuhlanganisa isakhi sokukhomba u “la” kanye lesivumelwano sikamenziwa/senhloko.
Sizaqala lapha kuviki ezayo.