uMthunywa
Ukwakhiwa kwesabizwana sokukhomba kude
Laso sisuselwa esabizwaneni sokukhomba eduze ngokujobelela u-ya loba u-waya. Izibonelo: lesi > lesiya, lezi > leziya, lobu – lobuya, le > leya. Isijobelelo u-waya usetshenziswa ezabizwaneni u-lo l laku –la. Izibonelo: lo >lowaya, la > lawaya.
Ukusetshenziswa kwesabizwana sokukhomba: Siyasebenza silandela ibizo emutshweni. Izibonelo:
Intaba leya ithunqa intuthu. Ingoma lezi ngezika Majayivana. Singalandela ibizo emutshweni, kodwa kuvame ukuba unkamisa wokuqala webizo eqiwe uma isabizwana silandulela. Izibonelo: Lezya izindlu zitshisiwe. Lawaya mawa ayesabeka. Loluya khuni kaluthezwa.
Singaba yinhloko loba umenziwa womutsho uma sisebenza esikhundleni sebizo eliyinhloko kumbe sibe ngumenziwa emutshweni. Izibonelo: Lezi zibulewe ngamakhaza. Leso sizathengiselwa emakethe.
Bazathenga leli. Banike lesiya isikali. Singasebenza silandelane lezinye izabizwana. Izibonelo:
Ungitshengise yona le. UThando ufuna lona leli lodwa.
Singasebenza lezakhi zesandiso o-na-, njenga-, nganga-. Izibonelo: Ngalobu buhlalo sizakwenza umgaxo. Sizahamba lalaba uma sisiya esitolo. Le ndwangu ibukeka njengaleyo eyakho.
Kuviki ezayo sizalandela ngesabizwana senani abanye bethi ngesokubala.
