uMthunywa
UMQEQETSHI we-Orlando Pirates, uMilutin “Micho” Sredojevic uthi ukutshaya iKaizer Chiefs ngumphumela womsebenzi oqale mhla beqhathwa ku-semi-final yeTelkom Knockout.
EzikaMicho zijuqe iChiefs nge 2-1 eMoses Mabhida Stadium, eThekwini ngoMgqibelo ntambama.
“Besibahlelele kahle ukungena ngemuva kwama-full back abo njengoba kubonakele ukuthi uPule (Vincent) ugudla ngemuva kukaWalusimbi,” kutsho uSredojevic.
Amabhola ahlohlwe yiPirates avele kumvema zikaThembinkosi Lorch loJustin Shonga kwathi eleChiefs latshaywa nguLeonardo Castro.
Kusenjalo, uGiovanni Solinas, oqeqetsha iKaizer Chiefs uthe uselalo ithemba lokuthi sikhona isicoco angasinqobela aMakhosi.
IBucs isiyitshaye kathathu iChiefs kulumnyaka. Iyifake inkalivasi ka 3-1 ngoMbimbitho koweligi, kwathi ngenyanga edluleyo yayitshaya nge 2-1 eFNB Stadium, kowe-Absa Premiership.
NgoMgqibelo iBhakabhaka likhombisile ukuthi Amakhosi aseyikudla kwalo kwemihla ngemihla. IBucs inqobe nge 2-1 kowandulela amanqamu emqhudelwaneni weTelkom Knockout (TKO) eMoses Mabhida Stadium eThekwini.
Kucacele ngitsho lengane encane ukuthi impumela ayehli kahle kubalandeli baMakhosi, ikakhulukazi njengoba besazodlala abalandeli beBucs bebachomela ezindaweni zobumnandi.
Sekukhona abalandeli asebelilahlile ithemba lokuthi kukhona okuzonqotshwa nguSolinas lezakhe kulisizini kodwa uthe basazolwisa okwengwe ukuze bajabulise abalandeli babo.
Ngemuva komdlalo uSolinas akakufihlanga ukuthi uzwa ubuhlungu ngokutshaywa kwabo kodwa wathi akulahlwa mbeleko ngakufelwa yikho besazobuya lezakhe.
“Siqale isizini sizibekele imigomo lezinto esifuna ukuzizuza. Siqale sehluleka ukunqoba isicoco seMTN 8, nanku lamanje sesihluleka ukungena kowamanqamu kuTKO. Njengamanje kusele izicoco ezintathu okuyiligi, Caf Confederations Cup leNedbank Cup. Sizoqhubeka silwe, mina angiyona indoda ephangisa ukuphosa ithawulo. Ngizaqhubeka lokusebenza kanzima ekutheni kube khona isicoco esisinqobayo. Thina siyiChiefs, sazalelwa izicoco.”
