uMthunywa
Lesi yisikhathi samajodo lamathanga. Abanye abawadli ngoba bengakwazi ukuwapheka. Kanti-ke ayikudla okumnandi. Lamuhla ngizathi fahlafahla ngokuphekwa kwawo okwesintu lokwalamhla (isimanje)
Okudingakalayo
I) Ijodo
II) Ithanga elilodwa
III) Itshukela
IV) Ingqamu
V) Imbiza enkulu kumbe ibhodo
VI) Amanzi amancinyane
Ukupheka
I) Gezisa ijodo lethanga kuphele yonke inhlabathi
II) Sika ijodo izincezu ezilingana isandla sakho.
III) Sika ithanga lalo izincezu ezilingana isandla sakho. Thela amanzi alingeneyo embizeni ozapheka ngayo.
IV) Faka izincezu zamajodo ezakuqala zikhangele phezulu.
V) Khathesi faka zonke izincezu zamajodo lamathanga kodwa bona ukuthi zikhangela phansi.
VI) Pheka ngomlilo olingeneyo ekuqaleni kokuxhwatha.
VII) Pheka okwamahora amabili.
VIII) Thela itshukela uxhwathise okwesikhatshana nje.
IX) Bona ukuthi inkovu (amanzi) awatsheli ngoba yiyo emnandi
X) Yephula imbiza nxa sekuvuthiwe
Ukudliwa
Izincezu zamajodo lamathanga zidliwa zinjalo, abantu bacine ngokunatha inkovu. Lokhu kudla kwakudliwa emini yantambama ngemuva kokudla kwemini (lunch) ngingathi kudliwa njenge dessert kumbe pudding.
Ijemu (jam) yejodo
Okudingakalayo
i) Ijodo elikhulu.
ii) Imbiza engatsheliyo.
iii) Itshukela elinengi.
iv) Imajarina ngokhezo lokudla.
v) Ingqamu, iphini.
vi) Izimbodlela ezithile.
vii) Ilemon elilodwa kumbe ilemon essence.
viii) Amanzi amalutshwana.
ix) Umganu ogubhileyo wokuphakulela.
x) Ukhezo lwensimbi lokuphakulela.
Ukupheka
I) Gezisa ijodo kusuke yonke inhlabathi
II) Sika ijodo phakathi laphakathi.
III) Sika ijodo incezu ezinde.
IV) Xhakaxha ukhuphe zonke intanga ezisencezwini.
V) Qoba iziqana uzifake embizeni elamanzi
VI)Pheka emlilweni olingeneyo ekuqaliseni.
VI) Pheka okwamahola amabili.
VII) Thela itshukela.
VIII) Thela umhluzi welemoni kumbe ilemon essence.
IX) Yekela amajodo avuthwe athi busu
X) Khathesi thatha uphehlo (beater) uphehle
XI) Xhwathisa emlilweni omncinyane
XII) Thela njalo itshukela
XIII) Yekela kuxhwathe wena ulokhu ugoqoza
XIV) Kungajiya yephula imbiza
XV) Thululela yonke ijamu emganwini ongathombiyo
XVI) Yekela kuphole
XVII) Gezisa izimbodlela sibisibili
Gxumuza imbodlela emanzini atshisayo ubusuyigcwalisa nge jam yekela kuphole
XVIII) Faka izimbodlela efrijini,
Gcoba izinkwa zakho udle ukholise.
