uMthunywa
Lolu lucezwana lwenkulumo olubonakala ngokusebenza luchaze ibizo. Lubuye lubonakale ngeziqu lezi –ni, -nye, -phi, -mbe. Lazo zidinga kube lokuvumelana phakathi kwebizo ezilichazayo lesiqu senani. Funda lezi zibonelo ezilandelayo ezilesiqu u-ni.
Kubizo elikusigaba 1 umuntu inani ngumu-ni. (umuntu> mu-ni). Kubizo ubaba elikusigaba 1(a) inani ngu mu-ni. (ubaba > mu-ni) Kubizo abantu elikusigaba 2 inani ngu ba-ni. (abantu > ba-ni). Kubizo elisigaba 2(a) obaba inani ngu ba-ni laye njalo (obaba >ba-ni). Kubizo elikusigaba 3 umuzi inani ngu mu-ni. (umuzi >muni). Kubizo elikusigaba 4 imizi inani ngu mini (imizi > mini).
Kubizo elikusigaba 5 ilitshe inani ngu li-ni (ilitshe > li-ni). Kubizo elikusigaba 6 amatshe inani ngu mani (ma>ma-ni). Kubizo elikusigaba 7 isifo inani ngu si-ni (isifo > si-ni). Kubizo elikusigaba 8 izifo inani ngu zi-ni (izifo > zini). Kubizo elikusigaba 9 indlu inani ngu yi -ni (indlu> yi-ni).
Kubizo elikusigaba 10 izindlu inani ngu >zi-ni (izindlu > zi-ni). Kubizo elikusigaba 11 udonga inani ngu lu-ni (udonga > lu-ni).
Kubizo elikusigaba 14 ububi inani ngu bu-ni (ububi > bu-ni). Kubizo elikusigaba 15 ukufa inani ngu ku-ni (ukufa > ku-ni). Qaphela ukuthi ingxenye esekuqaleni kwenani yizivumelwano zenani. La amagama abethwe lapha athathelwa esiZulwini.
