Imidlalo yohlonzi eKhanyisile

09 Nov, 2023 - 00:11 0 Views
Imidlalo yohlonzi eKhanyisile

uMthunywa

Innocent Kurira

KUVIKI yesibili ku-Elite League engaphansi kweBulawayo Basketball Association (BBA) kuvele ukuthi amaqembu asefike kuzinga lokudlala kuhle.

Kubonakele lokhu ngesikhathi wonke amaqembu akuligi le encintisana enkundleni. Imidlalo le iqhutshwa ngempelaviki zonke eKhanyisile Sports Centre.

Kudlalwe imidlalo emithathu yeligi entsha kuliviki. Amaqembu angqikilane, atshengisa umdlalo omuhle, asukumisa ababukeli labathandi bomdlalo ngaso sonke isikhathi.

Bekungabizwa ozwayo eKhanyisile Sports Centre.

Iqembu leNational University of Science and Technology (Nust) libonakale lilamandla kakhulu ngesikhathi lidlala leHighlanders, kumdlalo ophethe kuyi 72-52.

Emdlalweni wesibili udibanise i-Legends le-Giants. Bekukhangelelwe ukuthi iLegends izanqoba nanko kube yi 62-32.

Umdlalo owalandelayo, owe-Southern Mavericks leLakers Talen Vision wahlabusa kakhulu. Lo ngumdlalo owedlula yonke ngokukholisisa ababukeli.

Amaqembu la ehlukaniswa yimiklomelo emine, iSouthern Mavericks inqoba nge 66-62.

Kusenjalo, kuligi ephakemeyo kuBBA.

Kuligi yabesifazane, iRiverdale Academy itshaye iLakers Glen Lodge nge 30-26. ISouthern Mavericks yehlula iLakers Empire nge 72-54.

Umdlalo wesithathu ubuphakathi kweqembu leHighlanders leLakers Hamara. Kunqobe iLakers Hamara nge34-23. Emdlalweni wokucina, iLakers Mzansi itshaye iNust nge 59-20.

Kumaqembu abesilisa, iGwanda Rebels itshengisele  amandla kuRiverdale Academy ngokunqoba nge 45-20. Ngemva kwalokhu, amaRebels adlulele komunye umdlalo, anqotshwa 77-40 ezandleni zeTitans.

Imidlalo iyaqhubeka kulimpelaviki kodwa uhlelo lwemidlalo kaluka khitshwa.

Share This:

Sponsored Links

Survey


We value your opinion! Take a moment to complete our survey

This will close in 20 seconds