ICAF isikhokhelwa nguMotsepe

11 Mar, 2021 - 00:03 0 Views
ICAF isikhokhelwa nguMotsepe UPatrice Motsepe

uMthunywa

YiNtatheli kaMthunywa
UMNIKAZI weqembu leMamelodi Sundowns uPatrice Motsepe uzanikezwa isikhundla sokuba ngumongameli wenhlanganiso yeConfederation of African Football (CAF) ekupheleni kwaliviki.

Usomabhizimusi weSouth Africa lo bekumele alwele lesikhundla kwezinye inkokheli ezibalisa uJacques Anouma owe-Ivory Coast, Augustin Senghor owe-Senegal lenkokheli yeMauritania Football Federation uAhmed Yahya.

UMotsepe, oleminyaka engu-59 yokuzalwa, ubalelwa kubosomabhizimusi abalemali enengi eAfrica. Ukuze aphiwe isikhundla sikamongameli we-CAF, kungenele inhlanganiso yeFIFA, lapho umongameli wayo uGianni Infantino acele ukuthi kube lokubambana.

USenghor loYahya bazaphiwa isikhundla njengabasekeli bakamongameli. U-Anouma uzakuba ngumcebisi.

Umongameli weFIFA wavakatshela eAfrica okwamaviki amabili exazulula udaba lokubuswa kwenguqu.

Ubike ukuba uyajabula ngokuthi iFIFA incedisile ukulungisa inguqu eAfrica.

“Kuyajabulisa ukuba iFIFA ibelesandla ekuguquleni inguqu yezwekazi leAfrica,” kutsho uInfantino.

Share This:

Sponsored Links