uMthunywa
Nkosilathi Sibanda
NGUBANI owayesazi ukuba uCont Mhlanga wayeyingcitshi yomdlalo we-karate?
Kulabo abasolayo, abathathe isikhathi babuyele emuva, bathole ulwazi lokuthi umuyi wayeyingcitshi ye-karate, aphinde abelothando lwezemidlalo yonke.
Imbali iyakuveza lokhu.
UMhlanga, odume kakhulu engusaziwayo kwezokulingisa, udlule emhlabeni ngoMvulo ekuseni.
Ngesikhathi leso, ubesanda ukusungula umncintiswano wokuthuthukisa ithalenta lezemidlalo, esebenzisa inkundla yamagagasi e-KeYona TV.
KeYona TV
Balutshwanwe akade bekwazi ukuthi uCont ubelothando lwezemidlalo.
Imbali iyakuveza ukuthi ubeyingcitshi yomdlalo we-karate.
Wayewuthanda umdlalo lo, kusukela ngeminyaka yama-1980, endaweni eyaziwa khathesi ngokuthi yi-Amakhosi Theatre.
UMhlanga, kubikwa ubesebenza gadalala ekuhlanganiseni okuqukethwe kuhlelo lweKeYona TV.
Wayehlose ukudala okuqukethwe yi-KeYona Sports, lapho aveza ithalenta lezemidlalo elizweni.
UMhlanga ubefuna ukuzakhela eyakhe imidlalo kanti ubehlela ekwenza lokho akwenza ngebhola kweminye imidlalo, ngokutsho kuka-Lee Mangena okhulumela iKeYona Sports.
“UMhlanga ubengathandi ukulingisa kuphela, ubengumuntu othanda ezemidlalo, lapho okulethalenta khona ubelomdladla. Ngikhumbula engifonela ebuza ukuthi yiphi indawo esingaya kuyo emaphandleni.”
UMangena uthe umuyi waveza uthando lwakhe lwezemidlalo lokuzithokozisa kudala.
“Umncintiswano ophele ngeSonto bekungowakhe kuphela.
Umbono wakhe bekuyikuba lemiqhudelwano efanayo kweminye imidlalo ngaphandle kwenguqu,” kutsho uMangena.
UMangena uthe umuyi utshengise uthando kwezemidlalo.
“UCont Mhlanga ubezinikele ngakho konke alakho kwezemidlalo.
Amakhosi Theatre
UMhlanga wasungula i-Amakhosi Theatre ngo-1981, yaqala njengeqembu le-karate labatsha ebizwa ngokuthi yiDragons ngo-1979 yaphenduka i-Amakhosi Theatre.
