uMthunywa
LINJANI ke bafundi siyahlangana njalo kusifundo sethu ngendlela efanayo mfundi guqula amabala la abe sesimeni sobuncane noma ubulutshwane.
1. Indlu
2. Umuzi
3. Isigodo
4. Amehlo
5. Igabha
6. Inyawo
7. Umgwaqo
8. Isikhumba
9. Isandla
10. Imbuzi
11. Umgane
12. Inkuni
13. Usuku
14. Imali
15. Isinkwa
16. Ukudla
17. Amakhala
18. Inkonzo
19. Iphepha
20. Inyama
21. Inja
Yiwaphi amanye amabala angaguqulwa ebuncaneni lase bulutshwaneni kolutho? Adinge lawo mfundi ubuye uwaguqule ngokufanayo.iyobobonana bafundi ngithi phambili ngesikolo ngabe zihamba njani izifundo ezikolo/ kasingabi njengalabana abaphelekezela abanye esikolo kuphela kasiqhubekeni ngokusebenza nzima sazi ukuba ekucineni sizothola umvuzo. Kanengi ke nxa kukhulunywa ngobuncane loba ubulutshwane bolutho kwakufakwe u ana ekucineni kwalelo bala njengalokhu
1. Amanzi-amanzana
2. Ilitshe- ilitshana
3. Isithwala- isithwadlana
4. Umumbu- umunjana
5. Ingubo- ingutshana
6. Umuntu- umntwana
7. Indlela- indledlana
8. Isikolo- isikolwana
9. Ikhanda- ikhanjana
10. Indeve- indevana
11. Indlebe- indletshana –njalo njalo
Ube ususakha imitsho ngamabala aguqukileyo. Phela abaziyo bathi uvuna okuhlanyeleyo pho nxa umuntu engahlanyelanga lutho uzavunani. Phela ukufunda kufana lokuhlanyela bafundi kasiyendlaleni lathi eyethu indima ekucineni sizathola impumelelo singene ke kusifundo
