uMthunywa
Indikimba –Ezomanyano, Imbongi nguArtwell T Masuku
Isihloko senkondlo – Kulotshiwe phansi
Kule inkondlo imbongi igcizelela ngesivumelwano esalotshwa phansi ngamabandla ezombusazwe saletha ukubambana kubantu beZimbabwe.
Khumbulani bafundi ukuthi isivumelwano lesi senziwa ngamabandla ayiwo alwela ilizwe aletha inkululeko.
Sifundile enye inkondlo ewaqamba ngamabizo lawo mabandla i-ZAPU le ZANU.
Zanu
Imbongi iyaphambili ichaza lokhu njengesifiso sesizwe. Ngenxa yaleyo nkululeko lokubambana kwesizwe imbongi ithi indlela zethu sezimhlophe.
Sekulenhlala kuhle okwenza inhliziyo yembongi ithokoze ngoba sekulenhlala kuhle lokuzwana.
Iyagcizelela isiyaphambili imbongi ithi, “Kulotshiwe phans’isivumelwani sokubambana/Kulotshiwe phans’ isifiso sesizwe.”
Lokhu kuyayicunula imbongi iveze lokho ngokukhuthaza ukuthi isizwe kasihlome sigiye sivuthuze ukubona isizwe sakwabo siqhelelana buqama.
Lokhu ukusekela ngokuthi mayigiye bahlome bavuthuze labo abathanda ukubabona besehlukana phakathi.
Iyaqhubeka imbongi ithi mayihlome bagiye bavuthuze labo abangathandi ubudlelwano babo.
Kuthiwa mayigiye bavuthuze abadala umbango phakathi kwabo.
Iyagcizelela njalo imbongi ithi, “Mayihlome igiye”.
Ikubeka sobala imbongi ukuthi bazimisele ukuzethemba, ukuthembeka kanye lokuthembana.
“Mayihlome igiye”.
Bona bazimisele ukuyakha kanye lokuyivikela inkululeko yabo. Mayihlome igiye bathole amandla okusebenza kanzima besebenzela usapho lwayo i-Afrika.
Iyaphambili imbongi ithi, “Mayihlome igiye babe moyamunye bafanane lamajuba.
Iyagcizelela njalo imbongi ithi kulotshiwe phansi isivumelwano sokubambana.
Kulotshiwe phansi isifiso sesizwe. Imbongi ithi ngalokho-ke inhliziyo yayo iyathokoza ngoba sekulenhlalakuhle lokuzwana.
Ithi makuvuthe umlilo wothando imbongi.
Ithi lowo mlilo wothando mawutshe emini lebusuku. Ithi bakumele ngesibindi abakholwa kikho.
Iyaqhubeka imbongi ithi mabangavumeli impisi eziyizimvu phakathi kwabo.
Isivumelwano sokubambana masifezwe.
Le yinkondlo emfitshane kodwa imumethe ukuzimisela kwabantu ngenxa yaleso sivumelwano sokubambana esalotshwayo.
Covid-19
Vikela ubhubhane lweCOVID 19 ngokuhlala uhlanzekile.
Geza izandla nxa uvela esambuzini kumbe usebenzise imithi leyo exwayiswa ngabezempilakahle.
