uMthunywa
BAFUNA ukuzwana amandla, kumdlalo we-boxing abesilisa kweleSouth Africa abalesifo sokungakhuli, impi yabo esiyindaba mlonyeni enkundleni zokuxhumana umhlaba wonke.
USimphiwe Mlambo odume ngelikaSbali loThabo “The Terrible” bazozwana amandla empini yesibhakela ezokwaziwa ngokuthi yi-The Battle of Abaphansi ezakuba khona mhlaka 31 kulinyanga.
USbali waseSizweni, eNewcastle uthe abantu abanengi bacabanga ukuthi ngumdlalo, kodwa impi izakuba khona ngempela.
“Hatshi ukuthi asizwani lomfowethu singamathe lolimi kodwa-ke manje yisikhathi sokuthi sizwane amandla.
“Ngiyabonga uthando abantu abalokhu belutshengisa ngempi le njengoba abanye behlala bengitshela ukuthi bazahamba lami kuze kube sekucineni. Ngiyathembisa ngeke ngibaphoxe njengoba ngilokhu ngiqhubeka ngokuzilolonga,” kutsho uSbali.
Intatheli zizame ukuxhumana loThabo kodwa ucingo lwakhe beluvaliwe. — Ubulembu