uMthunywa
Ophezulu Stinta
Siqhubeka njalo ngokunanzelela ngokwesintu izigaba ezitshiyeneyo zenzalo. Besesinanzelela izizatho eziyimbangela yokusweleka kwenzalo ebantwini kanye lendlela zokwelapha lezozifo.
Ubunyumba: lapha-ke umuntu oyinyumba ngulowo osekwehlule nje lokuthi elapheke isifo sokuswela inzalo lesi, kodwa nxa sinanzelela indlela ukuthi abadala bebelamaqhinga bani okulondoloza umuzi kubasegcekeni impilo yayizolo ibilengozithile kwezempilakahle.Bona nje bebeqakathekisa kuphela ukulondoloza umuzi.
Ngesintu kukhona thize okukhangelelwe ukuthi umuntu ozithweleyo akwenze lokunye njalo okungamelanga akwenze ngesikhathi ezithwele. Lapha-ke sinanzelela amazilo aphathelane lokuzithwala, izolo abadala bebengakhuthazi ukuthi umuntu ozithweleyo anathe amanzi emile ngoba kukholelwa ukuthi umntwana uzahlala engohitshwayo isikhathi sonke.
Okunye njalo kwakukhuthazwa ukuthi owesifazana ozithweleyo kwakungamelanga asikize ukuphuma emnyango kusesatshelwa ukuthi ngosuku lokubeletha inkonyane layo yayizasikiza ukuphuma. Owesifazana ozithweleyo wayengakhuthazwa ukubopha isisu ngeqhele kusesatshelwa ukuthi imbeleko yayizaphuma ithandele inkonyane.Babexhwayiswa kakhulu njalo ukuthi lowo ozithweleyo angaze ama mpo emnyango, kwakusesatshelwa ukuthi mhla wosuku inkonyane layo yayizafika nje izimele mpo ingakhuthali.
Singene kusigaba sokubeletha kanye lokubelethisa. Ukubelethisa ngumsebenzi wezalukazi, yizo ke ezazilolwazi olupheleleyo ngokubelethisa njengoba izibhedlela zazingavamanga sikhangela izolo, loba nje kulezi nsuku kungasavunyelwa ukuthi umuntu abelethele ngekhaya lapha ebelethiswa yizo izalukazilezi.
Lokhu sekwananzelelwa ngenhloso yokuthuthukisa ezempilakahle.
