uMthunywa
Sisakhumbuzana njalo ngokudla kwesintu okutshiyeneyo, okunye esesakulibala kudala ngezizatho ezitshiyeneyo.
1 Amacimbi
Azalwa ngamavevane njalo adla amahlamvu. Amacimbi ayagolwa akhanywe aphekwe adliwe lesitshwala.
Ayonyiswa enziwe umfushwa. Abanye njalo bawafaka ulaza ukuze abemnandi.
2 Umwawa
Oxatshiweyo umwawa nxa umuntu engawudla ulephunganyana ngakho abadala babethanda ukuwuxaba.
Kuthathwa izenge kumbe kwelukwe uxaxa ngezigojwana. Kuthathwa-ke imbumbuluza zomwawa zifakwe kuhle khonapho kuchaywe elangeni.
Kuphinde kuxatshwe eziko kuchochombe kube bomvana, kuba yikudla okuthandekayo okokuthi lomuntu wemzini uyazidlela ekhululekile.
3 Amaqebelengwana
Enziwa ngenhlama yempuphu yomumbu, eyamabele loba eyenyawuthi.
Inhlama le iyabunjwa yenziwe izigaqa ibe isiphekwa. Kufakwa isawudo kancane ukuze kubemnandi. Babewathwala njengomphako lapho kulohambo.
4 Amakhowa
Amila phansi ngesikhathi sezulu ikakhulu ezidulini. Yisitshebo esimnandi okwamagama alakho njalo ukuchaywa adliwe ebusika.
Ukudla kwesintu lokhu esixoxe ngakho kwakujayelekile esintwini loba nje okunye kwakhona sekuphekwa ngendlela ezintsha. Okunye kwasekusehlukaniswa yikuthi kudliwa ngabadala loba kudliwa ngabantwana.
