uMthunywa
ABANTWANA balamuhla sebetshona bethe khoso phambi kukamabonakude. Okunengi kwalokho okuphuma lapho akulamfundiso ephucukileyo. Kunkathi ezinengi kakulani ngitsho lolimi lwabantwana. Kungabakhona okukodwa okufundisayo. Akesikhangele imidlalo efanayo.
(i) Amalibho.
Lo ngumdlalo odlalwa kwenziwe amaqembu amabili. Iqembu linye ngalinye lifuna ukubona ukuthi elinye lihlakaniphile, ukwedlula lona na. kulijwana kumbe kubuzwana ngezinto zekhaya, ezegangeni, emasimini njalo njalo. Nanzi izibonelo. Ngikulibha ngabafana bami ababona abanye kodwa bona kababonani. Impendulo ngamehlo. Ukulibhana kuyaqhubeka kuphiwana imiklomelo ukuze kubonekale ukuthi yiliphi iqembu elehlulwayo.
Ngumdlalo olola ingqondo, okhuthaza ukucabanga masinyane umuntu athole impendulo yalokho okubuziweyo.
(ii) Imidlalo yokutsho amabala.
Ngumdlalo wokuncintisana lo lapho kumele kuvele intshatshu ezakwenelisa ukutsho amabala athile ngokuphangisa kodwa engaphambanisi.
Izibonelo zamabala omdlalo lo (i) ngihlane lexhengu ligax’iqhele, (ii)gequqethu qum’qethu,
(iii) amahlamv’omphafa aluhlaza
Imidlalo yonke yayandise ukudlalwa ntambama ngaso kanye isikhathi sikamabonakude. Imidlalo le yayikholiswa nxa kulonyezi kukhanya phandle. Lalamuhla ilakho ukudlalwa kubemnandi nje okwamagama