uMthunywa
Ophezulu Stinta
Sizake sixoxisane ngemidlalo yabantwana. Ukudlala kwabantwana yikho okuchaza njalo kuveza ukuthi abantwana baphilile njalo bakhululekile.
Sizake sigxile kumidlalo yezolo ebidlalwa ngabantwana.
Esikunanzelela kakhulu lapho yikuthi imidlalo le yayiphephile kanti njalo ijule ngenhlonipho. Kulezinsuku imidlalo ephephileyo isisilela ebantwaneni.
1) Ukhetha omthandayo
Umdlalo lo uhlanganisa abafana lamankazana lapho kuhlatshelwa abanye bekwelinye icele labanye bekwelinye.
Lapho ingoma isitsha ithi “nyama yembongolo kheth’ omthandayo”. Umfana loba inkazana iyasuka iyekhetha emthandayo.Wawuqhube kenje umdlalo lo kungela kuxhwala ngitsho.
2) Ungen’ ungene
Ngumdlalo odlalwa ngabafana lamantombazana bebambene izandla, beziphakamisa abanye bengena ngaphansi besiyaphutsha le ingoma yakhona isithi “Ngen’ ungene iyelele, Ngen’ ungene abantwabami sebezangena.”
3) Bantwana bantwana wozani ekhaya
Umdlalo lo udlalwa ngabantwana bendawonye. Ababili kungathiwa yizilwane, abanye ababili kuthiwe ngumama lobaba. Ubaba uzakuma eceleni kweguma lomama laye ayekuma kwelinye icele. Izilwane zona zicatshe phakathi kweguma. Abantwana baqala bekwelinye icele lomzali, babizwe ke ngomunye esithi: “Bantwana bantwana wozani ekhaya!”
Abantwana baphendule bathi: “siyesaba, izilwane!” Angatsho njalo abantwana bagijima beqonde ekhaya. Izilwane lazo ziqaphe indlebe zisuke ngesimnyama zibahlasela. Injongo lapha yikuthi kubonakale intshantshu ezisala zingabanjwanga yizilwane.
