uMthunywa
Ophezulu Stinta
Sibingelelana sikhangele umnyaka omutsha esiwuqala kusasa bafundi. Sikhangelele ukubamba ziqine ikakhulu labo abakhekane lemihloliso emikhulu lonyaka. Kasiqedanga ngemvelo yethu kuviki ephelileyo.
i. Umhlagawuwe
Yisihlahla esikhula sibe yizixuku singabisikhulu kakhulu. Sizala abantwana abancinyane, abaluhlaza nxa bengakavuthwa. Bavuthwa babemhlophe nke. Kukholwa ukuthi nxa sizele kakhulu sihlola inala. Sizala entwasa sivuthwe ehlobo.
ii. Umkhuna
Yisihlahla esikhulu esilempande esikhupha iphunga elibi. Abantwana besihlahla lesi balingana leqanda lenkukhu.
Abantwana laba bavuthwa babelombala olithusi.
iii. Umbondo
Yisihlahla esiqinileyo sikhula okulingeneyo. Kubazwa ngazo imigigo njalo silenkuni ezinhle.
iv. Umlaladwayi
Yisihlahla esikhula sibe sikhulu, silameva amade amhlophe. Sithanda ukukhula sibe yisithingithingi njalo sithanda ezihotsheni lemaphethelweni omfula.
v. Umlugulu
Yisihlahla esithanda ezidulini lasemfuleni. Silameva amade aqatha akhangele emuva. Sizala abantwana abaluhlaza nxa bengakavuthwa. Inyanga iyasikhunga bathi simvulela inhlanhla.