uMthunywa
SILOKHU sinanzelela izinanakazana ezehlukeneyo esiphila lazo, ezinye sesizilibele amagama azo kube nzima lokuthi uyathi ubone mhlobo bani wesinanakazana.
1 Inkume ziyimihlobo eminengi, ulakho ukubona emnyama lezibomvana. Nxa ihamba iyagoqa umsila wayo ube yingwegwe eqolo layo, yiwo njalo umsila entinyela ngawo. Ezinye inkume zintinyela ngawo. Ezinye inkume zintinyela ngobuhlungu benyoka. Zithanda ukucatsha ngaphansi kwamaxolo enkuni ezomileyo langaphansi kwamatshe.
2 Impolompolo ziphose zilingane lamagenga, kodwa ke zona zimnyama futhi zilephunga thize. Ziyantinyela ke lazo. Zithanda ukuhamba ziludwendwe. Bathi ungazibona zithwele ukudla kutsho ukuthi uzasutha, nxa zingathwalanga uzalamba lapho oyakhona.
3 Ubunyonyo buncinyane bugcwala indawo yonke njalo buyathanda ukugcwala indawo yonke. Buyangena ekudleni buyakhethwa kodwa obuseleyo abadala bathi belapha isisu.
4 Amatheza afana lamagenga kodwa wona kawahlali emihomeni, eyayo imilindi mincinyane. Kuthiwa ngamatheza ngoba ayaquma utshani lezinye izihlahlakazana akuthwalele emlindini yawo. Kukholelwa ukuthi ungabona ekhuthele kuza umqando kumbe izulu.
