uMthunywa
NGEVIKI edluleyo besixoxisana ngokusebenzisa kanye lengcazelo zenkulumo ezikileyo. Olakho ukuyisebenzisa ugculisa ulimi lwakho lube ngoluhlabusayo.
Ngithemba mfundi wenelisile ukuphuma lengcazelo eziqondileyo ezenza inkulumo ezikileyo izwisiseke. Ake sikhangele ingcazelo ndawonye.
1. Ungenza inkomo yakho yomdaka
Uthi ufuna enze angatshongo ukuthi ufuna ukukwenza
2. Ungenza isigcabha sakho
Uthi ufuna ukudlalela phezu kwakhe
3. Ungenza udlawu lwakho lokubamba amalahle
Uthi wena ufuna ukuthi akwenzele into eyingozi owesaba ukuyenza lawe
4. Ungenza umalumakho
Uthi wena ufuna ukudlalela phezu kwakhe
5. Ungenza isosanyama sakho
Uthi umenza isichaba sakho
6. Ungenza isiphala sakho
Uthi ufuna ukudla ukuzuze kokuphela
7. Ungenza umsila wakho
Uthi ufuna ahambe ekulandela
8. Ungenza umnakwabo
Uthi ufuna ukumenza umfana wakho
9. Ungenza indlu yakho yokugulela
Uthi umkhumbula mhla udubekile
