uMthunywa
UMSEKELI kamongameli wenhlanganiso yeZimbabwe Football Association uOmega Sibanda usekhethwe ukuba ngummeli wephalamende.
USibanda, odume ngelithi “Bra Oms” kunguqu unqobe kukhetho lwezombusazwe olusanda kwedlula eVungu eNkabazwe engaphansi kwebandla leZanu-PF. USibanda uthole amavoti angu-11 350. Ngokwakuqala uSibanda engena kukhetho olunje njalo inengi belimazi kunguqu lakwezokuzithokozisa.
Omunye umkhokheli wenguqu osekhethwe esihlalweni sokubusa nguTawanda Ruzive onqobe ukuba ngukhansila ku-Wadi 6 koBulawayo.
URuzive uzamela ibandla leMDC Alliance. Umdlali lo waduma ngesikhathi eleqembu lakhe iQuelaton FC eladlala ezikwakweni zikaDivision One laze layawela kuPremiership. Inkokheli zombili zihlangana lenengi elaqala kunguqu anduba liye kwezombusazwe ezibalisa ingcitshi yenguqu uGeorge Weah waseLiberia.
