uMthunywa
Funda imitsho le ubusuphendula imibuzo elandelayo:
Untombazana omude uyagiga.
Yinja edle inyama ebilengiswe embelweni.
Walile ukudla isitshwadlana abesitshiyelwe izolo.
Umama oqatha ufikile lapha ekuseni.
Abafundi baloba umhloliso.
Abantwana bonke baxwayiswa ukuthi bavikele ubhubhane lweCOVID 19.
Indodakazi yakhe iphenduke emendweni.
Tshono ukuthi amabala alandelayo ayini ngohlelo lwesiNdebele? Omude, yinja, isitshwadlana, abafundi, bonke, indodakazi.
Chasisa ukuthi la alandelayo uwakhe njani – omude, abafundi, isitshwadlana.
Yakha amabizomuntu ngezenzo ezilandelayo:
akha, funda, thanyela, phoxa, onga, elusa, tshayela, cupha.
Bumba imitsho egcweleyo njalo eqondileyo ngamabizomuntu owakhe ngaphezulu.
Funda imitsho elandelayo ube usuphendula imibuzo:
Omncane umfana bamtshiyile.
Umfana omncane umfana bamtshiyile.
Omncane bamtshiyile.
Ngomncane umfana abamtshiyileyo.
Tshono ukuthi amabala alandelayo ayini ngohlelo lwesiNdebele kumutsho ngamunye ngamunye – omncane, ngomncane.
Tshengisa umehluko omkhulu phakathi kwawo.
Yakha impambosi yokwenzayenza ngezenzo ezilandelayo:
-dla, -thanda, buza, gijima, – pheka, thunga.
Siyini isichasiso ngohlelo lwesiNdebele? Qamba ingxenye ezine ezitholakala ngaphansi kwesichasiso.
Tshengisa umehluko phakathi kwesichasiso lezabizwana zesichasiso emtshweni.