uMthunywa
ABALANDELI bebandla lezombusazwe eleEconomic Freedom Fighters (EFF) batshise itende likamfudisi welinye ibandla obesehluphile ngokudlisa abantu inyoka eSoshanguve, North Tshwane, kweleSouth Africa, ngeSonto.
INCA ibike ukuthi amanye amalunga alelibandla elithunganyelwa nguMnumzana Julius Malema ahlasele umfundisi webandla le End Time Ministries uMnumzana Penuel Mnguni (23) ethi kadle amagundwane njengalokhu ejwayele ukukwenza kubazalwane bebandla lakhe.
IANN7 iveze imfanekiso yehlekana labantu liphethe amagundwane ngemisila, kunye letende lisitsha.
Kuzwakale ukuba uMnguni kabonakalanga ukuthi aphathe umhlangano oweEnd Times Ministries izolo, abantu be EFF baphume emfanekisweni bebhidliza itende.
Kodwa abakhonza kuleli bandla bathethwe umfanekiso belele phansi kuthi abanye besidla utshani. Kubikwa umfundisi lo uveze imifanekiso ebitshengisa abebandla lakhe besidla izigqoko lenwele.
Kubikwa umfundisi ubebagada abazalwane laba njengamabhiza njalo ebalaya ukuba bakhumule izambatho zabo basale beze abuye njalo abadlise inyoka kanye lemisila yamagundwane.
Umfundisi lo ubotshwe ngamapholisa esetheswa icala lokuhlukumeza inyamazana, kodwa uphethe ekhululwa ngoba kungela siqiniseko salokhu. Isikhulumi se-EFF uMnu Mbuyiseni Ndlozi ubengekho ukuthi atsho akubonayo maqondana lale inkemenkeme.
Ubonakale esebhale umbiko kuTweeter lakuFacebook esithi “Abalweli baphe #uRat Pastor amagundwane ukuba adle, becela ukuba enze lokhu athi abantu bakwenze, wasebaleka! #RatPastor”.
Bonke abalweli bathi uJesu wadla isinkwa lenhlanzi wakupha abantu, uJesu wanatha iwayini ayeliphe abantu, njalo wafundisa ukuthi yenza ebantwini ofisa bakwenze kuwe, ngakho abalweli bathi dlana mfundisi angithi uthi yi-chocolate, umfundisi esazi ukuthi ungumqambi wamanga wacela ezinyaweni —Dailysun.
