uMthunywa
KUMISWE umsebenzi abakhulu besibhedlela seNairobi eKenya ngemva kokutholakala kwezidumbu zabantwana abasanda kuzalwa ezilitshumi lambili zihlohlelwe phakathi kwamakhadi bhokisi.
Kukhanya abantwana bafa ngendlela engazwisisekiyo esibhedlela lesi.
Amakhadibhokisi la kubikwa abonakale ngemva kokuba ugavuna welizweni leli, uMike Sonko evakatshele esibhedlela lesi engakhulumanga.
Kuvidiyo ephoswe ku-YouTube liphephandaba le-Daily Nation kukhanya izisebenzi zesibhedlela sePumwani Maternity Hospital zisehluleka ukuchaza ukuthi kungani izidumbu lezi zifakwe phakathi kwamakhadi bhokisi.
Kubikwa amapholisa asachwayisisa ngokufa kwabantwana ngendlela engazwisisekiyo.
Isibhedlela lesi ngesinye sezibhedlela ezinkulu zaphezulu elizweni leli.
Kuzwakale njalo ukuthi esibhedlela lesi izigulane ziyahlukuluzwa. — News24
