uMthunywa
UKUQEQETSHA iManchester United kube ngumthwala onzima kuJose Mourhino loba kusaziwa ukuthi lindoda iyalazi ibhola.
Uxotshwe ngoMvulo kulandela ukunqotshwa kwama-Red Devils nge 3-1 kumdlalo weligi enkundleni yeAnfield. Ubesehlale amasizini amabili lengxenye.
Kubikwa endaweni yakhe kuzaqhatshwa uSoljear, owake wayidlalela iMan United.
UMourhino, oleminyaka engu-55 yokuzalwa wenelisa ukuthola inkezo zeLeague Cup leye-Europa ekuleliqembu.
Uxotshwa nje etshiye iMan U ihlezi kunombolo yesithupha ilemklomelo elitshumi lasitshiya galolunye.
“Sizakhetha umaneja ozaphatha umsebenzi kuze kuyefika ekupheleni kwesizini. Iqembu lisaphakathi kokudinga umuntu elimfunayo ozathola umsebenzi ngokugcweleyo.
“Iqembu lithanda ukumbonga kakhulu uJose ngomsebenzi wakhe. Simfisela konke okuhle kwelakusasa,” kutsho iMan United kumbiko ewuthumele uzhizhi lwabalandeli balo abagcwele umhlaba wonke.
UMourinho ubesethubeni elihle lokuwina izinhliziyo zabalandeli beManchester United kodwa kwehlula.
UMourinho uchithe izinyanga ezinengi ezikhotha amanxeba ngokudanisa abalandeli.
