uMthunywa
USESESABA ukuya esikolo umfundi weNanda oleminyaka eyisithupha okusolwa ukuthi uhlukunyezwe ngokocansi ngabanye abafundi esikolo.
Unina womfana ofunda uGrade 1, Esikhululiwe Primary, eMatendeni, eNanda kweleSouth Africa uthe indodana yakhe ayisafuni ukuya esikolo futhi usehlala eyiphelekezela nxa isiya ethoyilethi.
Okumkhathaza kakhulu yikuthi umphathisikolo uthi asikho isidingo sokuthi abafundi abasolwa ngokuhlukumeza ingane yakhe bajeziswe, okudingekayo yikuthi abazali bahlale baxoxe.
Uthe umhlangano wokuqala ubuyizolo kodwa kufike umzali oyedwa omunye kuthiwe uyasebenza.
“Iyangixaka lento ngoba ingane yami iphazamisekile, isisesaba lokuya esikolo, yena ubona ukuthi kumele kuxoxwe kuphela, alukho lohlelo athi luzokwenziwa lokuthi kukhulunywe lezingane. Ngibona sengathi into akhathazeke ngayo ligama lesikolo, emhlanganweni kazange abize ikhomithi yesikolo (SGB) ukuthi izolalela.
Manje yikubonisana okunjani lokhu okwenziwa ingekho iSGB? Uyabonakala ukuthi uyithatha kancane kanti idala umonakalo enganeni yami. Ngiyamangala uma lasemapholiseni sekuthiwa icala angilivulanga ekubeni ngalivula, kwaba yibo abangithumela esibhedlela,” kuchaza unina wengane.
Uqhube wathi ubone ngoLwesithathu oludlule ukuthi ingane yakhe ilenkinga ngoba bese kungokwesithathu esontweni ikhala ngokuthi izinqa zibuhlungu ayifake umuthi wokuxubha. Ngosuku lwesithathu uthe bese ihamba kabuhlungu.
“Phambilini bengingaboni ukuthi kulenkinga, ngibone ngoba esehamba kanzima, esecela ukuphelezelwa njalo uma eya ethoyilethi ethi uyesaba kanti ubengelankinga. Uqale wathi uyesaba ukungitshela ngoba ngizamtshaya wabuye wavuleleka watsho ukuthi kulabafundi bangabafana bakaGrade 2 abamhlukumezayo,” kutsho yena.
Uqhubeke wathi ingane ithe abafundi bayikhumula izicathulo ngesikhathi sekhefu bazifaka ethoyilethi ngesikhathi igobile idobha izicathulo lamasokisi, bayehlisa ibhulugwe, bayihlukumeza.
Okhulumela uMnyango wezeMfundo kulesi sabelo, uMnumzana Scelo Khuzwayo, uthe lesi sehlakalo siyatshaqisa. Uma senzakele ngempela sidinga ukuthi abazali bavuleleke kakhulu bakhulume lezingane zabo.”
“Bekungakabikhona umbiko esiwutholileyo ngalesi sehlakalo. Sizasondela esikolo sibone ukuthi singaphathisa njani. Amapholisa lawo alezinhlelo zawo zokuhlumelelisa abafundi. Njengoba kulecala elivuliweyo yiwo azabona ukuthi angasiza kanjani,” kusho uKhuzwayo.
Unina womfundi uthe uvule icala esiteshini eVela kodwa amaphoyisa athi ikhompuyutha ayivezi ukuthi icala livuliwe, kungenzeka ukuthi ubikile kuphela.
