uMthunywa
AMAPHOLISA eTokyo eJapan athole izidumbu eziyisitshiyagalolunye, okubalwa lamakhanda amabili azo efakwe ku-cooler box, efulethini elisendaweni ehlala omntakabani eTokyo, kutsho umbiko wezindaba ngoLwesibili.
Amapholisa abophe uTakahiro Shiraishi (27), okunguye ohlala kuleli fulethi eliseZama, eningizimu yeTokyo, kutsho umsakazeli womphakathi i-NHK.
Okhulumela amapholisa kazange atholakale ngokuphangisa ukuba aqinisekise lesi sehlakalo.
Izikhulu beziphansi phezulu zithungatha owesifazane oleminyaka engu-23 ubudala obenyamalele zase zizithela phezu kwalezi zidumbu ngemva kokusetsha leli fulethi kulandela umkhondo obaholele ekutheni lo odukile uyazana loShiraishi.
Ngokutsho kombiko weJiji Press, amapholisa athole amakhanda amabili efakwe ku-cooler box ngasesicabheni saleli fulethi ngoMvulo ngaphambi kokuzithela phezu kwezidumbu ngaphakathi ngoLwesibili. — Ubulembu
