uMthunywa
Amabhisikiti ngokunye ukudla okuthandwa ngabantu abanengi ngenxa yobunandi bawo.
Wona ngokwawo ngawokunathisa itiye kodwa izikhathi ezinengi ufica abantu benathisa ngawo inamunede kumbe bewaqhoba enjalo. Lamuhla ngilawo, alula ukuwenza.
Okudingakalayo
5 gramu majarina.
Ukhezo olulodwa lwesiraphu.
Inkomitsho yetiye eyodwa yefulawa engela mkhukhumezo.
Inkomitsho eyodwa yetshukela.
Inkomitsho eyodwa ye-oats
Amakota amathathu ekhokhonathi.
Ukhezo lwetiye olulodwa lwe-soda.
Udengezi lokubhekela.
Ukupheka
Ncibilikisa imajarina le-syrup emlilweni omncane ngembiza.
Thela isoda emanzini abilayo ayisilinganiso senkezo ezintathu.
Hlanganisa ndawonye lemajarina.
Khathesi hlanganisa ama-oats, ifulawa, itshukela lekhokhonathi.
Hlanganisa kuhlangane sibili.
Huqa udengezi lokubhekhela ngamafutha okupheka.
Thatha kunye ngakunye inhlama yakho ngokhezo lwetiye uyibumbe ibelibhola.
Ifake entendeni yesandla sakho ubusuyitshayatshaya ngesinye isandla ukuthi ilale.
Khumbula ukutshisisa (160 degress celcius) i-oveni yakho ekuqaleni.
Yekela kuvuthwe okwemizuzu engu-14 kusiya ku-16.
Susa udengezi ku-oveni ulubeke luphole, ungakakhiphi amabhisikiti akho.
Ukudliwa
Khathesi usungazikhumuzela amabhisikiti wona enjalo.
Iyoyo bhisikiti
Okudingakalayo
Amakota amathathu enkomitsho emajarina.
Ikota eyodwa yenkomitsho yetshukela yokucecisa (icing sugar).
Inkomitsho ephosa igcwale impuphu yekhasitadi.
Inkezo zetiye ezimbili zomkhukhumezo (baking powder).
Isawudo elilutshwana.
Udengezi lokubhekhela.
Ukupheka
Hlanganisa imajarina ngephini.
Thela itshukela lokucecisa phezu kwemajarina, tshaya kuze kube lula kakhulu.
Sefela ifulawa lempuphu yekhasitadi lempuphu yomkhukhumezo lesawudo kunhlama le obuyitshaya.
Hlanganisa njalo.
Khathesi geza izandla uhlanganise inhlama le ize iqine.
Gcoba udengezi lokubhekhela ngamafutha.
Hlephuna inhlamanyana ubusuyibumba ibe libhola ubusuyibandezela kancinyane.
Yenza lokhu inhlama ize iphele lodengezi lugcwale.
Thatha ifologo udwebe ibhisikiti linye ngalinye wenze imidwa yokucecisa.
Faka udengezi ku-oveni etshisa okuyi 400 degrees F.
Bheka okwemizuzu esukela kwelitshumi kusiya kutshumi lanhlanu.
Wephule ku-oven uwekele aphole.
Khathesi hlanganisa itshukela yokucecisa lemajarina kube yinhlama.
Thatha amabhisikiti uwahlalanise ngamabili lapho abutshelezi khona.
Ukudliwa
Nathisa itiye kumbe inamunede ngala amabhisikiti.
