uMthunywa
UGEQE amagula ngesinqumo sokwehlukana loyise wezingane zakhe ezimbili owesifazane weJozini, okubangele ukuthi abulale ukhokho lengane yabo eleminyaka emithathu ngeviki ephelileyo.
Intatheli ibe lengxoxo loNkosazana Nombulelo Ndlanzi (25), ngemva kokuzwa udaba lokuthi uyise wezingane zakhe, uMnumzana Sithembiso Sithole (36), weThobothini, eJozini, isibhongo sokwaliwa usikhiphele kukhokho, uNkosikazi Sikhombo Ndlanzi (91) lengane yabo, u-Enzokuhle Ndlazi (3), ngokubaklabha ngocelemba qede waziphosa edamu. Uthe umsolwa ugila limihlola nje, ubeseke wazama ukubulala izingane zabo ngokuziphosa ebholohweni. Uveze ukuthi unqume ukwehlukana laye ngoba ebona ukuthi impilo yakhe leyezingane isengozini. Ngokuthola kwentatheli, umsolwa ube lengxabano loNkosazana Ndlanzi ngoba engafuni ukwamukela ukuthi waliwe.
Okhulumela amapholisa eKwaZulu-Natal, uConstable Thenjiswa Ngcobo, uthe kuvulwe amacala amabili okubulala. Umsolwa uziphose edamu njalo amapholisa asadinga umzimba wakhe.-Ilanga