Ususondele umjaho weJM Busha

Ususondele umjaho weJM Busha

0 73

Nkosilathi Sibanda

UMDLALO wokugijima kuBulawayo uyaphambili nanko phela kulimpelaviki kuzasungulwa iJM Busha  Triangula Series ezaqhutshelwa enkundleni yeWhite City.

Limidlalo izanikeza abagijimi ithuba lokuthi batshengisele ithalenta labo. Abagijimi bazaphatheka kumango ebalisa i100m, 200m, 400m, 400m hurdles, 1 500m, 5 000m, long jump, javelin, high jump le 4x100m relay.

Umncintiswano lo usekelwa nge$10 000 ephuma esikhwameni sikasomabhizimusi wodumo uJoseph Makamba Busha.

Inhlanganiso yeBulawayo Athletics Board (Bab) ibika ngokujabula ukuthi ukuza kwalumncintiswano okwakuqala koNtuthu kuzaphakamisa umdlalo wokugijima, ikakhulu ukubumba ithalenta elitsha.

Umgcinisihlalo weBab uManuel Mpofu uthe sebesamukela amabizo alabo abafisa ukuphatheka kulumjaho. Kubikwa ngemva kokugijima, kuzakhethwa iqembu elizagijimela iZimbabwe kwelizayo.

Uthe okwamanje sekusaziwa ukuthi kulamaqembu edlula itshumi azathumela abagijimi ngempelaviki. Phakathi kwamaqembu la kule Ihlosi, Be Paul, Shabanie Mine, from Zvishavane Athletics, Bindura University lezinye.

I-JM Busha isibiza abajimi abanengi ngoba ilodumo lokuqhutshwa ngobuciko. UMpofu uthe labo abafuna ukungena kumncintiswano bakhululekile ukuzabhalisa.

“I-JM Busha isikhona koBulawayo. Sebebanengi abantu ababike ukuba bafuna ukugijima lonyaka, yikho kumele abantu babhalise kuseselesikhathi sokulungiselela. Sinxusa bonke abazimiseleyo ukuthi bazencintisa kulumjaho osuqakathekile kumdlalo wokugijima eZimbabwe.”

Abagijimayo abakhangelelwe ukubakhona babalisa labo abaphuma kumaqembu asabalale izwe lonke. Kukhangelelwe ukuthi kuncintise lentshantshu zamathimu enhlanganiso zamapholisa, ogadijele lamasotsha.

Kusenjalo uMpofu ukhuthaze abagijimi ukuthi balungiselele leminye imijaho yemango emide ezaqhutshwa kunyanga ezilandelayo. Umjaho wePPC Matopo 33-Miler yiwo olindwe ngabanengi.

Minyaka yonke nxa kuqhutshwa umjaho lo, wandise ukuphathisa lomphakathi weMatopo.

SIMILAR ARTICLES

0 157

0 115

NO COMMENTS

Leave a Reply