UNdoro ufuna impilo entsha

UNdoro ufuna impilo entsha

0 116

UTENDAI “Fire” Ndoro, umgadli weHighlands Park, uveza ukuba usephila impilo entsha kumdlalo kanobhutshuzwayo.

UNdoro (33) usayine kuHighlands ngoMpandula ngemva kwezingxoxo ezithathe isikhathi eside kucaca ukuthi iLions of the North izama ukuthi ukungazithembi ngodaka olufana lokwenzakala kuAjax Cape Town yona eyasayinisa lumgadli yacina idliwa lizembe ku-Absa Premiership.

Engxoxweni lentatheli uNdoro uthe: “Yonke into eyenzekileyo, sengikhohliwe ngayo. Angisayicabangi ngitsho ukuyicabanga (iNdorogate — esolwa ngokudlalela amaqembu amathathu ngesizini eyodwa).

“Ngiyayibonga kakhulu iHighlands Park ngokunginika ithuba sengiphendukile. Ngifisa ukuphila kakutsha kunobhutshuzwayo. Lokho ngifisa ukukwenza kiyo iHighlands Park.”

UNdoro usayine isivumelwano sezini eyodwa kuHighlands Park esisalelwe yimidlalo engu-11 kuPremiership kulisizini.

Uthe okumenza angakhathali yikuthi iHighlands Park isimnikeze elinye ithuba lokuthi abuyele enkundleni.

“Kusivumelwano engisisayinileyo ngizitshelile ukuthi ngisabuyela nje ebholeni. Ngiyakubongela lokhu. Ngifuna ukuzama ukujabulela ubunandi bebhola lokuthakazelelwa ngabalandeli. Ngilobudlelwano obuhle labadlali labaqeqetshi, izikhulu ngitsho labalandeli beqembu. Ngifisa ukubamisa idolo ukuthi iqembu sizolisiza lizinze kuPremiership,” kutsho uNdoro.

Sikhona esinye isikhulu seHighlands Park esabika ukuba sifuna ukuthi uNdoro ahlohle amabhola angu-15.

Umqeqetshi u-Owen Da Gama wabika ukuthi mhla uNdoro elibhoboza inethi kuyosala kukhalwa.

Kodwa uNdoro uthe angeke asebenze ngemigomo.

“Angisebenzi ngemigomo (ama-target) kodwa ngingumdlali okholelwa ekungeneni enkundleni enze umsebenzi nje kuphela. Ngiseqenjini okudlalwa khona ibhola elihlukile. Nxa ungumdlali webhola elikhokhelayo kuyenzeka kwesinye isikhathi udinge isikhatshana ukungena khaxa esitayeleni seqembu okulo. Nxa usungenile kuyazibonakalela,” kutsho uNdoro.

Umgadli lo, oke wayibamba kuMpumalanga Black Aces le-Orlando Pirates, ubalwa kubadlali abakhangelele indawo kumqhudelwano ku-2019 Africa Cup of Nations ese-Egypt ngoNhlangula.

IHighlands ikunombolo-10 ku-logu. — Ubulembu

SIMILAR ARTICLES

0 158

0 73

NO COMMENTS

Leave a Reply