uMthunywa
YiNtatheli kaMthunywa
OWAYE ngumgadli weqembu leHighlanders uKing Nadolo usebike ukuba iphupho lakhe lokuyadlalela amaqembu amakhulu eSouth Africa seligcwaliseka.
Umdlali lo ubikele iphephandaba likazulu ukuba kusukela esafunda esikolo wayefisa ukuthi ayezama inhlanhla eSouth Africa njalo ubesazi ukuba akula enye ithimu engamncedisa kulokhu ngaphandle kweHighlanders.
NgoLwesibili uMthunywa uxoxe lomdlali lo osanda kuhlaliseka kuqembu leWitbank Spurs, okuliqembu elitshibilika kunkundla zeFirst National Division kwele-South Africa.
“Iphupho lami seliseduzane lokugcwaliseka. Umdlalo wenguqu kweleSouth Africa ngiyawuzwisisa njalo kade ngafisa ukuthi ngidlale khona. Ukudlalela iqembu leHighlanders kunginikeze ithuba elihle lokuthi ngibonakale enkundleni zeSouth Africa. Ngibona angathi ngizaphumelela kulisizini,” kutsho lumdlali.
Umgadlali lo olokhe elesifiso sokubizwa kuqembu lesizwe emdlalweni yaphezulu ubike ukuthi ukutshintsha iligi kuzamtshiya esezingeni elimqoka.
“Ngizaphindisela engihlala ngikwenza. Sengaziwa ngingumdlali okumele ahlohle ancedise ukuthi abanye bahlohle njalo.
“Loba sengifezile isifiso sokuthi ngiyedlala phetsheya, ngiseselomlandu wokuthi ngiqhubeke ngidlalela ukutshengisa abasakhulayo kunguqu ukumdlali aziphatha njani. Ukuphumelela kwethimu engiyidlalelayo yikuphumelela kwami.”
Ngokudlala kuhle akwenzileyo bedibene kumasizini ekuHighlanders uNadolo unconywe kakhulu kubulembu beSuperSport. Ingcitshi zenguqu zibika ukuthi umdlalo wakhe ngaphambili kwenkundla uzatshiya iWitbank Spurs ivuma ukuthi ithenge umgadli uqobo.
Kumasizini amathathu adluleyo uNadolo wakhutha kancane ukuthi akhethwe kukhalenda yengcitshi zabadlali zeligi yeCastle Lager.
