IBosso iqonda emaphandleni akoTitshi

IBosso iqonda emaphandleni akoTitshi

0 90
Nhlanhla Bahlangene Dube

Nkosilathi Sibanda
ITHIMU yezwe lonke iHighlanders ibike ukuba ikhululekile ukuncintisa kumqhudelwano wakuqala oweMihhatainment ozaqhutshelwa esigabeni seBhagane edolobheni lePlumtree ngempelaviki ezayo.

IBosso izakuthi gwaqa ePlumtree ilengcitshi zabadlali abadla ubhedu uJoel Luphahla loSizabantu Khoza.

Umaqhuzu weBosso uNhlanhla  Dube uthe bathole incwadi ebanxusa ukuthi iqembu labo libe yingxenye yemidlalo le njalo bavumele phezulu ukuthi abadlali bachithe isikhathi bexoxisana labasekeli emaphandleni.

UDube uthe iqembu labo leBosso90 likhethwe ukuthi ligijimele khonale eBhagane ukuyathokoza lenkulungwane zabasekeli beTshilamoya.

“Yebo sibili sinxusiwe kulumqhudelwano ngempelaviki. Kuzahamba iqembu labadlali be-Bosso90 okuyithimu yethu ekuDivision One.

“Besingeke sale ukufika ePlumtree ngoba siyazi ukuthi banengi kakhulu abalandeli bethu abaphuma kulindawo,” kutsho uDube.

Isikhulumi se-Mihhatainment Sports Tournament uFrank ‘Mihha’ Ndlovu uthe bayajabula ukuzwa ukuthi iBosso90 ivumile ukutshona lentsha lezakhamizi zeBhagane kumqhudelwano wabo.

“Banengi phela abantu abasekela iBosso ePlumtree. Sifuna ukuthi sibajabulise ngekhefu likaMpalakazi ngokubiza iBosso. Okwamanje sesikwazi ukuthi  abaphathi beHighlanders baphendule kahle ngokubika ukuthi iBosso90 izabe ikhona esiqintini seBhagane. Kuyabongeka lokhu.

“Inhloso yethu yikuthi sikhuthaze abasakhulayo abasemaphandleni asePlumtree ukuba ithalenta lenguqu liyabhadala njalo balakho ukutshintsha impilo zabo lokwakha imzimba ngokuphatheka kunguqu,” kutsho uNdlovu.

Uqhubeke wathi: “Ukuza kwabadlali beHighlanders bephelekezelwa nguJoel Luphahla loSiza Khoza kuzanikeza intsha yakulindawo idlabuzane.

“IBosso bayithanda kakhulu abantu bakithi ngakho kuliphupho labo ukuthi mhlawumbe ngomunye umnyaka kube lomdlali owakhulela ePlumtree impilo yakhe yonke ozadlala kuHighlanders.”

SIMILAR ARTICLES

NO COMMENTS

Leave a Reply