uMthunywa
YiNtatheli kaMthunywa
ISIZATHO esenza iTsholotsho yehluleke yikuthi abadlali bayo baphela amandla nxa bengena kuyo yonke imidlalo.
Lokhu kuvezwe ngumqeqetshi wabo, uDarlington Dodo.
UDodo uvika ngokuthi umsebenzi wokulolonga iqembu uyawenza, ngakho kunyanga ezimbalwa egijimisa iZiqholo zeZhwane, unanzelele ukuthi abafana baqedwa ngamadino.
Uthe iTsholotsho ithwele nzima ngokudlala idiniwe.
Ukudinwa kwayo, kukhanya kuvela ekuthini idlalela edolobheni leBeitbridge.
Iziqholo zeZhwane azikaze zinqobe kulisizini. Seziphenduke zaba yikudla kwamaqembu wonke kuligi. Lonyaka kusegcekeni ukuthi iqembu leli lizaphenduka ezikwakweni.
Abafana beTsholotsho sebedlale leCaps United baqeda bengutshiki lobhanqa kumidlalo eyisitshiya galolunye. Isinqotshwe ka-12 yahlohlwa amabhola angu-21.
Umqeqetshi lo utshele iphephandaba likazulu ukuba isizatho sokunqotshwa kwabo yikuthi abadlali bakhe bakhulelwa yikudinwa ngaso sonke isikhathi.
Kuphose kwabangcono kumiklomelo yayo ngempelaviki edluleyo kulandela ukumisana leCaps United 1-1.
Kungumbono kaDodo ukuthi iqembu lakhe lizasila ukutshaywa lizembe kuligi enkulu.
“Abadlali bethu babulawa yikudinwa, yikho nje kunzima ukuthola ukunqoba imidlalo. Kodwa, ngiyakholwa ukuba sizenelisa ukuthi sibalekele ukuxotshwa kuligi,” kutsho uDodo.
Umqeqetshi lo uyavuma ukuthi ukuze ancedise iZiqholo zeZhwane ziphumelele, kumele aqale ukutshela abadlali bakhe ukuthi bahlohle.
“Okuqakathekileyo yikuthi abadlali bethu bakwazi ukuba sidlalela ukuthi sibalekele ukususwa kuligi.”
