uMthunywa
Mandla Moyo
“IMIDLALO yeBulawayo Social Soccer League imnandi njalo izahlala injalo kuze kubelaphakade.”
Bakhuluma bezitshaya isifuba abalandeli labadlali benguqu kuligi yobungane yeBulawayo Social Soccer League besithi bayakholisa ngezinga lumncintiswano okhona.
Bayitema njalonje abalandeli bayo.
Kumpelaviki edluleyo, ikhona imidlalo ebelempumela equmbaqumbe abalandeli, okwenza bathi bayathokoza ngemidlalo le.
Kumpumela yemidlalo yonke ethunyelwe iphephandaba likazulu ngumqoqi wemidlalo yeBSSL, UBlessing Adolph Jonga, enkundleni yeTshabalala Extension iqembu leFunda libhuqe iFireworks latshiya kukhala abantu ngemva kokuthela ibhola emambuleni kahlanu kukanti iFireworks yona yangatholi lutho.
Omunye umdlalo onathise abantu amanzi ubusenkundleni yeCowdray Park lapho i94 Strivers efundise khona iBCT ukubamba umthetho, yanyakaziza umambule ezethekeli kahlanu yabavumela ukuthi labo bathole elinye nje elokudla umuthi.
Ngokunqoba iBCT iqembu leStrivers lihle layakuthi kho phezulu kwetafula ka-Pool B ngoba yilo eselilemiklomelo iminengi.
Iqembu leBombers lalo lithe ebunandini ngeke lisalele lanqoba iHyde Park ngamahlanu zona izethekeli zahlohla amabhola amabili.
Iqhubekela phambili njalo imidlalo yeBSSL idolobho lonke jikelele kusukela ngehola letshumi lanye ekuseni ngeSonto.
Impumela yemidlalo yempelaviki
esanda kudlula:
Group A: Fund’kulinda 5-0 Fireworks ;Stars FC 2-0 Iminyela ; Creamtata 0-1 Man U; Patapata 3-0 Zulu Chiefs; Cowdray Masters 1-1 Old Timers; Magwegwe Bullets 0-3 Brotherhood; 70 Combination 3-1 FC Pirates;
Glenkara 2-2 Mthala; Makwee 2-1 Edgars;
Vulavale 2-5 Tigers
Group B: Santos 0-1 Delta; Happy Valley 2-2 Emganwini Legends ; Ndola 0-2 Wembley; Pioneer 3-0 Khami; Robert Sinyoka 1-3 Osiphatheleni; Pelandaba Legends 2-3 West Comm; Bombers 5-2 Hyde Park;
94 Strivers 5-1 BCT; Mabuthweni 2-2 Congo;
Nketa 3-2 Gwabalanda
Group C:New Jack City 2-3 Mex Mawaya;
Finance 1-0 Bangane; Real Shwelele 0-2 11 Stars;
Zobha 0-3 Celtics; Skippers 2-1 Matshobane; Wolves 1-1 Nkulumane; South Gunners 0-1 Sekusile;CIWU Legends 1-2 Luveve; Real Magwegwe 2-3 Shwelele;Siyabangena 1-1 Mayihlome
