uMthunywa
IMAMELODI Sundowns izisondeze kuthuba lokuqeda iminyaka engu-14 isehlulwa ukuthatha isicoco seMTN8.
Inqobe 3-0 kumidlalo wesibili kuLamontville Golden Arrows ngoLwesibili ebusuku eLucas Moripe Stadium.
Amabhola amabili ahlohlwe ngokuphangisa ngonyawo ngu loDevine Lunga ngomzuzu wesine. UNeo Maema elakhe ulitshaye ngomzuzu ka-90.
Umdlalo wakuqala waphela kungutshiki lobhanqa ka 1-1, akuzange kwethuse ukuthi iSundowns iwuqale ngamandla umdlalo wesibili.
Amabhola ahlohliweyo atshengise ukuba unozinti we-Arrows, uSifiso Mlungwana uyavuza ezandleni.
Loba izamile ukuthi ukuphenduka emdlalweni i-Arrows wonke amabhola ebizama ukungenisa egedini awazange amethuse uReyaard Pieterse ezintini zamaBrazilians.
Ibhola elithelwe emambuleni nguLunga kube yilo eliqede umdlandla we-Arrows.
I-Arrows ikhiphe uPule Mmodi loVelemseni Ndwandwe, indawo zabo zathathwa nguSibonelo Cele loSimo Mbhele bobabili abangene leminyakazo ebonakalayo.
Akukho minyakazo etheni eqapheleke esiwombeni sesibili kwaze kwaba ngumzuzu ka-84 lapho uPieterse etshayisane khona ngamakhanda loNkosinathi Sibisi, waBafana Bes’thende, bobabili bakhitshelwa ngaphandle ngohlaka.
Yize i-Arrows itshengise impawu zokuzimisela ngemizuzu yokucina.-Ubulembu
